Romano Mussolini
|
Quest articol chì l'è scrivud in lombard, con la Noeuva Ortografia Lombarda |
El Romano Mussolini (Forlì, 16 de setember 1927 - Roma, 3 de fevrer 2006) a l'è stad un pianista, composidor e pitor italian.
Quart fioeul del Benito Mussolini e de la Rachele Guidi, el se svesina de sgioven al jazz e 'l imprend a sonà el pian, despess anca a compagnà el pader, che 'l sonava el violin de diletant. Mandad al confin dopo la mort del pader, el torna in scena in di agn '50 cont el so ver cognom, senza doperà di scormagne.
In di agn '90 l'ha fad su ancamò l'orden civil e militar de l'Aquila romana, orden del Regn d'Italia e de la Republega Sociala Italiana che, per i so sostenidor, a l'è mai stad desligad e donca i dirit inn passad ai fioeui del Dus, e l'ha anca vert un musee a Villa Carpena, residenza di Mussolini.
A l'era maridad con la Maria Scicolone, sorella de la Sophia Loren, che gh'ha dad l'Alessandra e l'Elisabetta, e poeu con la Carla Maria Puccini, che gh'ha dad la Rachele, incoeu consejera comunala a Roma. A l'è mitud sota in la Cripta Mussolini de Predappio.
Riferiment[Modifega | modifica 'l sorgent]
Alter proget[Modifega | modifica 'l sorgent]
Wikimedia Commons el gh'ha dent imagin o alter archivi su Romano Mussolini
