Palazz Tigani-Regitano
|
Quest articol chì l'è scrivud in lombard, con la Noeuva Ortografia Lombarda |
El palazz Tigani-Regitano a l’era on palazz storich de Polistena, tirad in pee despoeu del terremot del 1783.
Storia[Modifega | modifica 'l sorgent]
In del 1783, Polistena, insema a la magioranza di center de la Calabria meridional, a l’è stada distruta quasi del tut del terremot del 5 de fevrer. Despoeu del terremot, la cità l’è stad tuta ricostruida in su proget de l'architet napoletan Pompeo Schiantarelli, cont on pian urbanistich fad su on poo de cà d’on sola famija in s’cera ed on poo di palazz con cort interna destinad a l'alta borghesia.[1] La famija di Milano l’ha decidud de ricostruì la cità sora la collina che la sta denanz al sit indove che la se alzava l'antiga Polistena. L’è stad, in questa zona chì ciamada Evoli, che i prim edifizzi a inn stad ricostruid compagn che, per esempi, la gesa matriz, el palazz di Milano e el palazz Sigillò.[2]
El palazz l’è stad tirad su despoeu del terremot del 1783 del don Francesco Tigani Giudes del scircondari de Galatro e vice Marches (governator) de Anoia, maridad con la sciora Caterina Regitano. In del temp indree in de l’edifizzi a l’è vegnud foeura on frach de idee sia aministrative sia culturai.[3] El Tigani in del 1779, l’era el governator di terre de Anoia. A Mammola, la famija Regitano la tira su la gesa de San Giusep fondada in del 1730. In del 1832 el fioeul del don Francesco, el Dotor Fisich don Giovann el sposa dona Francesca Guerrisi nevoda del Dotor Domenico Guerrisi e de la Dona Rosa Lombardi, el matrimoni el ven celebrad in la gesa de Santa Marina Vergin di Polistena, de l’Arcipret Michelangelo Guerrisi.[4]
El palazz a l’è stad sbatud sgiò in di ann votanta del noeuv-cent, perché l’era ‘adree per borlà sgiò, i mura perimetrai del pian terra a inn stade mantegnude, cont i giust rinforz, desgià che ‘l gh’ha dent el splendid portal, che con giudizzi l’è stad sparmid. On temp apress al palazz piazzad in Largo dei fiori o Piazzetta di Tigani, i fradei Francesco e Michele Tigani (1833-1873) tucc du sacerdot, i hann trà in pee una scola superior. El Michele l’è stad aministrador publich, poeta e patriota, l’è anca stad sindich de Polistena del 1865 al 1866. In del 1906 el nom de la via Piazzetta Tigani el diventa ”Piazza Fratelli Tigani”, el Podestà Edoardo Sigillò su proget de l’architet Giuseppe Prenestino, l’abeliss la ”Piazza Tigani” e ‘l giardin de ”Piazza Tigani” .[5][6]
Note[Modifega | modifica 'l sorgent]
- ↑ Ferdinando Sergio, Polistena: ieri e oggi, presentazione di Giuseppe Nàccari, Lamezia Terme, La Modernissima dei F.lli Gigliotti, 2001.
- ↑ http://www.slideshare.net/giopec/palazzo-avati-a-polistena. pag. 9
- ↑ Lo storico palazzo Tigani di Polistena
- ↑ Arciprete don Michelangelo Guerrisi 1799 di Polistena-Melicucco
- ↑ Sindaci e Consigli Comunali dal 1800
- ↑ Avv. Edoardo Sigillò (1888-1967) Podestà di Polistena dal 1927 al 1934
Bibliografia[Modifega | modifica 'l sorgent]
- Domenico Maria Valensise – Monografia di Polistena, del sacerdote Domenico Valensise, Napoli, Tipografia di Vincenzo Marchese, 1863.
- Ferdinando Sergio – Polistena: ieri e oggi.
- Giovanni Quaranta – La Confraternita del Carmine di Anoia” attraverso i documenti d’archivio, prefazione di Antonio Tripodi.
- Vincenzo Guerrisi – Monografia da Altanum a Polistena territorio degli Itali-Morgeti, libro documento.
- Giovanni Mobilia – SANTA LUCIA A MAROPATI La storia del culto e della chiesa attraverso i documenti d’archivio, Alba associazione culturale.