Nedàl

Chest artícol a l'è scricc in Bergamàsch, ortograféa del Dücat

Ol Nedàl l'è 'l dé che se festègia la nassida de Nòst Signùr Gesü Crést e l'è 'nsèma a la Pasqua öna di dò fèste cristiane piö 'mportante.

Segónt la tradissiù se l' festègia ol 25 de Desèmber, perchè se sà mia ol dé precìs che l'è nassìt ol Signùr, issé i à catàt fò 'l 25 de Desèmber, perchè l'éra 'l dé che i Romà i ghe fàa fèsta al Sul che l' nass perchè a la fì de Desèmber i taca a slongàs i giurnade.

Issé i prim Cristià i à pensàt bé de ciapà pò a lur chèl dé lé per festegià ol Nedàl, perchè i a colegàt la figüra del Gesü che l' nas a chèla del sul che l' nas.