Mapèl
| Chest artícol a l'è scricc in Lumbàrt Orientàl, ortograféa ünificàda |  |
| Mapèl | |
|---|---|
 |
|
|
|
 |
|
| Stàto | Itàlia |
| Regiù | Lombardia |
| Pruvincia | Bèrghem |
| Cuurdinàde | 9°33′22″ E 45°42′55″ N |
| Abitàncc | 6 446 ab. |
| Superfìce | 8,5 km² |
| Densità | 758 ab/km² |
| Altèsa | 250 m s.l.m. |
|
|
Piàna, Ultrìga e Prezàt |
| Cumu tacàcc | Barsana, Bunàt Sura, Brembat de Sura, Imbìer, Palasàch, Put San Piéro, Prezès, Sóta 'l Mut, Téren |
| CAP | IT-24030 |
| Còdes ISTAT | 016132 |
| Prefìs tel. | 035 |
|
|
|
Mapèl l'è ü cümü de la pruìnsa de Bèrghem che l'se tróa a 11 km de Bèrghem e a 255 méter söl mar. L'è 'n de l'ólta pianüra de l’Ìzola bergamàsca, a i pè e a mesdé del Cat. El cunfìna coi cümü de Imbìer, Barsana, Bunàt Sura, Brembat de Sura, Palasàch, Put San Piéro, Prezès, Sóta 'l Mut, Téren. El gh'à 6 446 abitàncc (dàto del Dicember 2010[1]).
Ol paìs vècc de Mapèl l' à conservàt quàze del töt l'aspèt medioevàl d'öna ólta co i stràde strécie, i cà 'n préda e i tùr che öna ólta i éra sèt; gh'éra pò ach ü fosàt 'ntùren al paìs che l'è restàt apéna apéna in "Contràda di Fòse" come l'insègna pò ach ol nòm de la contràda.
I fà part del cümü de Mapèl pò i bórgh de Piàna, Ultrìga e Prezàt 'ndóe l'è nasìt in del 1025 ol Sant Albèrt de Prezàt.
Cuntegnüü |
Sariulì [Mudifega]
Per Mapèl i pasa 'l Durt, 'l Bülighèt, che l' fenés in del Durt pròpe in del teritòre de Mapèl e la Bülìga e 'l Córen che 'l fenés in de la Bülìga apéna sóta la éla del Gröm. Fò sùra l'è stacc iscàt ü canàl scolmadùr che quàndo gh'è la piéna l' ciàpa i àque del Durt a mùt del paìs e i a böta amò tùrna in del Durt, però a mesdé de Mapèl, isé che 'l paìs 'l vègne piö alagàt.
Strade e ferovìe [Mudifega]
Ol teritòre cümünàl de Mapèl l'è traesàt fò da:
- la Strada Statàl n° 342 mèi cognusìda col nòm de Briantéa che la à da Bèrghem a Còm e Varés,
- la ferovìa Bèrghem - Lèch.
Céze e santöàre [Mudifega]
A Mapèl gh'è 'l Madóna de Prada che se la festègia l'òt de Setèmber, menimà la parochiàl l'è dedicàda a San Michél Arcàngel e la se tróa sura 'l paìs sö 'n d'öna còsta del Cat pogiàda pròpe sura al Durt. Gh'è pò la cezìna mediéala e töta 'n préda de San Bartulumì.
De èt [Mudifega]
La éla del Gröm del sécol XVIII che co i sò giardì la se tróa a sira del bórgh de Mapèl e a mut de Ultrìga sö ü gröm de tèra métit tra la Bülìga a sira e 'l Córen a matina che de lé póch i se 'ncontra apèna a mesdé de la éla.
Evulusiù demogràfega [Mudifega]
L'evulusiù del nömer de abitàncc l'è ilüstràda 'ndèla tabèla ché sóta:
Abitàncc censìcc 
Riferimèncc [Mudifega]
- ↑ Statìstiche demogràfiche ISTAT. Statìstiche sö la popolasiù del Istitùto Nasiunàl de Statìstica relatìve al 31 de Dezember 2010.
