Malatia de Huntington
|
Quest articol chì l'è scrivud in lombard, con la Noeuva Ortografia Lombarda |
La malatia de Huntington, ciamada anca chorea major, a l'è una malatia genetiga neurodegenerativa che la mena a 'n perder de coordinazzion di muscoi e a 'n declin cognitiv con problema psichiatregh. La scomincia de solit in la meza età e l'è la causa di moviment involontari strani, quella che in medesina la se ciama corea.
Pussee comuna in di popolazzion europee, l'è dovuda a 'n gen mutad che 'l esprim la proteina huntingtina, che 'l va inanz in manera autosomega dominanta, o ben l'è assee havégh un cromosoma cont el gen mutad per vesser malad. Donca, se vun l'è fioeul de vun con la malatia el gh'ha el 50% de probabilità de havéghela anca lu. 'Sta bas genetica chi l'è stada descoverta in del 1993 grazzia a 'n studi de la Hereditary Disease Foundation.
A gh'è nissuna cura per la malatia, ma varie medesine poden jutà almen cont un quaj sintom. 'Sti sintom chi varien de persona a persona, ma de solit la soa evoluzzion la po vesser preveduda. De solet l'agravament di condizzion e i complicanze, la pussee comuna la polmonita, menen a 'n aspetativa de vita de massim vint agn del principi di sintom. Comunque, in di darrer mes o agn gh'è besogn de 'n assistenza costant.
Riferiment[Modifega | modifica 'l sorgent]
Alter proget[Modifega | modifica 'l sorgent]
Wikiquote el gh'ha dent citazzion de o su Malatia de Huntington
Wikimedia Commons el gh'ha dent imagin o alter archivi su Malatia de Huntington
