Haddaway

De Wikipedia

Lombard Occidental

Quel articul chì l'è scrivüü in Lumbard, cun l'urtugrafia insübrica ünificada.
Haddaway (2019)

Alexander Nestor Haddaway, cugnusüü dumà cumè Haddaway (Trinidad, 9 genar 1965) l'è ün cantant de müsica dij discotech (gener ciamàa Eurodance) nasüü in Trinidad e Tobago. L'è diventàa famùs in del 1993 cunt la canzùn What is Love ("Se l'è cusè l'amur"), che la gh'ha avüü ün frach de success in tücc el mund.

Biugrafia[Modifega | modifica 'l sorgent]

A l'inizi[Modifega | modifica 'l sorgent]

Haddaway l'è nasüü da pà ulandes ch'el stüdiava i uceani e da mama trinidegna che la fava l'infermera. Dopu che i sò genitur gh'han divurziàa, a l'inizi dij Ann Setanta, l'è nàa a viver in Europa cunt el sò bap. Finìi i scoeul, l'è turnàa a viver cunt la mama in dij Statt Ünii, in duvè gh'ha finìi de stüdià.
In del 1989 l'è turnàa in Europa, precisament a Culonia (Germania), in duvè l'ha cuminciàa a laurà cumè cureograf e tapezee e a fà müsica quand gh'aveva temp liber a disposiziùn.

Cariera[Modifega | modifica 'l sorgent]

Haddaway/The Album[Modifega | modifica 'l sorgent]

In del 1992 Haddaway l'ha firmàa ün cuntrat cunt la casa discugrafica tudesca "Coconut Records".
Ün ann pussee tard l'è surtìi el sò prim disch, Haddaway/The Album. La prima canzùn che l'è vegnüda foeura, What is Love, la gh'ha avüü ün success esageràa in tücc el mund; l'è rivada in de la prima pusiziùn dij clasifich d'ün frach de Paes: Italia, Svizzera, Austria, Irlanda, Danimarca, Finlanda, Nurvegia, Germania, Francia, Spagna, Belgi, Paes Bass, Lettonia, Israel e Messich. La canzùn What is Love l'è cunsiderada anca incoeu vüna dij pussee bej canzùn de stil Eurodance.
Anca i olter canzùn tiràa foeura de Haddaway/The Album gh'han avüü success: Life ("Vida"; prüma posiziun in Spagna e Svezia), I Miss You ("Mì te perd") e Rock Your Heart ("Dach üna scossa al tò coeur").
A la fin 'st'album chì l'ha vendüü ün frach de miliùn de copj.

The Drive[Modifega | modifica 'l sorgent]

In del 1995 l'è stàa publicàa el segund album de Haddaway, ciamàa The Drive ("La guida"). La prima canzùn tirada foeura da 'stu disch chì, Fly Away ("Vula via"), l'ha avüü ün bun success anca in Italia.
Olter canzùn del disch i eren Catch a Fire ("Piglia ün foeugh") e Lover Be Thy Name ("Amatùr ch'el sia'l tò nom").

Let's Do It Now[Modifega | modifica 'l sorgent]

In del 1998 l'è surtìi el terz album de Haddaway, Let's Do It Now ("Fàmul adèss"), che l'era cumpletament diferent dij quej de prima: l'era ün disch fàa per la magiùr part da canzùn de müsica soul, minga de Eurodance; inscì, el gh'ha avüü minga success.

Ültim apariziùn e laurà[Modifega | modifica 'l sorgent]

Dopu ün frach de temp, Haddaway l'è cumpars de noeuf in televisiùn, in del 2004, dürant ün prugrama tudesch ciamàa Comeback reality television show. In del 2005 l'è cumpars anca in d'ün prugrama ingles simil, Hit Me Baby One More Time e in del prugrama americàn cunt l'istess nom.
In del mag 2008 l'ha publicàa la canzùn I Love the 90's ("I me piàsen i Ann Nuvanta"), cantada insèmm a Dr. Alban, olter cantant famùs de müsica Eurodance dij quej ann lì.

Discugrafia[Modifega | modifica 'l sorgent]

Album[Modifega | modifica 'l sorgent]

Haddaway logo
  • 1993 Haddaway/The Album
  • 1995 The Drive
  • 1998 Let's Do It Now
  • 1999 All The Best His Greatest Hits
  • 2001 My Face
  • 2002 The Greatest Hits
  • 2002 Love Makes
  • 2004 What Is Love - The Greatest Hits
  • 2005 Pop Splits
  • 2007 Crucified

CD singul[Modifega | modifica 'l sorgent]

Culegament[Modifega | modifica 'l sorgent]