Giüsepina Baker

De Wikipedia
Va a: navegá, truvá
Ludesàn Chel articul chi l'è scrivüd en ludesàn cun urtugrafìa ludesana
La Baker cul so tipic tutù de banàn, in d’i ann '20.

Giüsepina Baker, (San Lüìs, USA, 3 de giügn 1906 - Paris 12 d'aprìl 1975) l'è stai una cantanta, balerina, e atùra americana, natüralisada francesa.

L'é cunussüda per el sò vestìd de scena, fài sulament de banàn. L’é stai la prima, in di ann 20 a balà in toplees.

Biugrafia[Mudifega | mudìfica 'l sorgènt]

Nasüda in America, da Carrie McDonald e da d'Eddie Carson, la gheva urigina afro-americana e india. La se ciameva, in realtà Freda Josephine McDonald. L'ha cumincàd a balà vers i 10 ann, quan che l'ha venciüd a Broadway un cuncurs.

La s'è trasferida in Francia amò giùina, e l'ha utegnüd el pasapòrt francés in del 1937, quan che la s'è cunvertida al Giüdaìsm per spusà Jean Lion. L'é stai la prima dona americana a ricév la Crùs de Guera, la masima unurificensa francesa de la secunda guera mundial, per avé difés i diritt d'i suldà e d'i pover.

L'ha cuntinüàd tüta la vita a bàtess cuntra o pregiüdìsi rasiài e cuntra le fiöle abandunade chi vegnen viulentade e lasade al sò destin. La tristésa püsee granda che la g'ha vìd l'è stai quela de pudì miga vegg fiöi, perché quan che l'é restada incinta, l'ha crupmàd el fiöl mort. Per chel mutìu chì, cun Jo Bouillon, sò secund òmm, in del 1947 l'ha töi la pusiòn de Milandes en Dordogne, indué che l'ha tiràd sü ben 12 fiulìn, e g'ha dài el nùm de Tribù dl'Arcubalèn. L'ha anca urganisàd cencert e show pròpi per investì tütt in de l'asistensa d'i fiulìn abandunàd.

La Baker a Uràn, Algeria intant che la canta l'Inno Americàn, 1943.

L'è morta a Parigi, el 12 d'aprìl 1975, per un'emuragia cerebràl.

Amò incö la vegn ricurdada cume esempi e bandiera de tuleransa e rispett per le diversità.

I sò film[Mudifega | mudìfica 'l sorgènt]

  1. 1927: La Revue des revues de Joé Francys e Alex Napals
  2. 1927: La Sirène des tropiques de Henri Etiévant e Mario Nalpas: Papitou
  3. 1928 Le Pompier des Folies Bergère (Curmetragg anónim)
  4. 1929: La Folie du jour de Joé Francys
  5. 1929: Die Frauen von Folies Bergères de J. Francys & Max Obal "versiòn tudesca del film de prima"
  6. 1934: Zouzou de Marc Allégret: Zouzou
  7. 1935: Princesse Tam Tam de Edmond T. Gréville: Aouïna
  8. 1940: Moulin Rouge de Yves Mirande
  9. 1940-1945: Fausse alerte de Jacques de Baroncelli: Zazou Clairon
  10. 1954: An Jedem Finger Zehn de Erik Ode: una cantanta
  11. 1955: Carroussel des variétés - Carosello del varietà de Aldo Bonaldi e Aldo Quinti

Alter futugrafii[Mudifega | mudìfica 'l sorgènt]

Ligam de föra[Mudifega | mudìfica 'l sorgènt]