Gesioeul de Sant Antoni
|
Quest articol chì l'è scrivud in lombard, con la Noeuva Ortografia Lombarda |
El Gesioeul de Sant Antoni (italian: Chiesa di Sant'Antonio Abate) l'è ona gesa catolega de Saronn.
El se troeuva a nord del center storegh, in d'on sit che on temp a l'eva in mez ai camp.
Storia[Modifega | modifica 'l sorgent]
El gesioeul l'è menzonad per la prima voeulta in del 1385. In del 1567, ai temp de la pesta de San Carlo, gh'è stad tacad un lazaret, che l'è servid anca per la pesta del 1630 e che incoeu el gh'è pu. Dedree la gesa gh'è ona cros che la regorda i mort de pesta del 1630.
Tucc i agn, al derset de genar, se ghe porta lì i animai per la benedizzion.
La gesa[Modifega | modifica 'l sorgent]
Dent a la gesa gh'è tre nice recavade de la pared: vuna la g'ha dent di oss de mort de pesta e ona statoa de Sant Antoni, on'oltra la g'ha dent ona statoa de San Roch, e la terza ona statoa de San Gioann.
In de l'absida gh'è ona statoa de marmor de la Madona e on'oltra de Sant Ambroeus.
In su la faciada gh'è on mosaich de Sant Antoni, miss lì al temp del restavor del 1966.
Ligam de foeura[Modifega | modifica 'l sorgent]
Alter proget[Modifega | modifica 'l sorgent]
Wikimedia Commons el gh'ha dent imagin o alter archivi su Gesioeul de Sant Antoni
