Gesa de Santa Maria a la Fontana
|
Quest articol chì l'è scrivud in lombard, con la Noeuva Ortografia Lombarda |
La Gesa de Santa Maria a la Fontana a l'è un santuari de la Madona de Milan, che ghe partegn a la comunità pastoral del Sacher Volt.
La saria stada voluda del Carlo II d'Amboise, al temp governador de Milan, che 'l saria stad guarid di so aque miracolose: la tradizzion l'ha did a longh che el proget a l'era del Leonard de Vinci, del Cristofen Soree o del Bramant, ma del 1982 a l'è descovert un vegg ducument che 'l dimostra che a fàlla su a l'è stad el Giovann Antoni Amadee. Sgiamò del '500 a l'era, per el Ceser Ceserin, vuna di struture sanitarie pussee importante de Milan, insema al Lazaret e a la Cà Granda.
Nassuda 'me convent, del 1787 a l'è fada parochia: del 1922 a l'è restruturada per benon del Griffini e del Mezzanotte, a destacà el territori de quell de Porta Comasina. Al dì d'incoeu, però, l'aqua che gh'è in del sit a l'è quella del sindegh, desgià che del secol XIX una fabrega de botum l'è brusada arenta e l'aves el s'è bordegad: quell'aqua lì se diseva che l'era bona de curà soratut i problema di oss e di articolazzion, tant 'me l'artrita e l'artrosa.
Bibliografia[Modifega | modifica 'l sorgent]
- Ferdinando Reggiori, Il Santuario di Santa Maria alla Fontana di Milano alla luce di recentissime scoperte, in Arte Lombarda, annata II, 1956, pp. 51-64.
Alter proget[Modifega | modifica 'l sorgent]
Wikimedia Commons el gh'ha dent imagin o alter archivi su Gesa de Santa Maria a la Fontana
