Fabi Vares

Quest articol chì l'è scrivuu in lombard, grafia milanesa.

El Fabi Vares (Fabio Varese in Italian; Vares, 1570/1575 - Milan, 1630) l'è staa on poeta lombard e vun di primm autor de la litteradura milanesa.

Biografia

De quell poeta chì se sa proppi poch e la pupart di notizzi biografigh vegnen de la soa opera.
Nassuu, come se capis de voeuna di sò poesii, a Vares, el partegniva a ona famiglia sciora e 'l vegniva dopo de tre sorell. El gh'ha avuu ona fioeura che ha ciamaa Clara, proppi come la soa mader.
A bon cunt, anca se l'era varesin, l'è semper vivuu a Milan, probabilment in de la zona del Verzee. L'è mort in del 1630 per la peste.

I oper

Collezione delle migliori opere in dialetto milanese - Sonetti di Fabio Varese

L'ha scritt ona serie de poesii (canzon e sonett) tutt in Milanes, robba de la qual l'era molto content: el pensava de vess riessii a fà vegnì important el Lombard, compagn de l'Italian, lengua litteraria de tutt i gent de la penisola.
I sò poesii hinn polemigh e violent, indrizzaa però minga invers ai scior, ma a quei come lù, de la soa condizion. L'è consideraa ona sorta de poeta maledett ante litteram.
Voeuna di caratteristigh de la soa poetiga l'è quella de scrivess di sonett e poeu respond.

Sonetti

“	No m’ domandè de grazia donde stò che maledetto sia stó in d’ona cà dov’ no poss dì né nogg mai repossà del fregg e del frecass e del spuzzó; ona cà sott i copp che quand ghe vó gh’hó semper scient basij da inumerà, dò camer dall’invers dov’ mai no gh’dà da nessun temp dell’ann on pó de só; ...	”
—Sonetti

L'ortografia

L'ortografia doperada del Vares la gh'ha giamò on quai caratter de quella classiga (ann prima de la codificazion del Prissian prima e poeu del Maggi), anca se l'è nananmò precisa. In particolar, el sonn oeu el gh'ha minga ona definizion ciara, anca se i moderni tenden a rappresentàll con la lettera û.

Vos correlaa

• Dialett milanes
• Litteradura milanesa

Interprogèt

• Fabi Vares

• • No m’ domandè de grazia donde stò
  • El stall dovè te sté l'è da par tò
  • Va' mò porca su i forch, va' che t'hó intes
  • L’è tròpp el ver, te sé’ on dolz coion
  • Al è on quaj trenta di che so' in preson
  • Sopra una Speziara
  • Scolté, se vorì rid, che ve vûj dì
  • A' Suoi Compagni Musici
  • In disprezzo
  • Sopra le puttane
  • Sopra l’impotenza amorosa]
  • Descrizione della sua abitazione
  • Sull'impotenza
  • A una Signora che cantava di musica
  • A un suo compadre che li voleva dar moglie

Font

• Milanesiabella