Ein Tirol

Quest articol chì l'è scrivud in lombard, con la Noeuva Ortografia Lombarda

Ein Tirol (El Tirol l'è vun in todesch) a l'è stada 'na sociazzion terroristega sudtirolesa ativa in di agn '80.

Storia

In la zona, quand che la provincia de Bolzan a l'era no autonoma debon in di agn '60, gh'eren stad sgiamò di atentad terrorista per man di Befreiungsausschuss Südtirol, che hann poeu menad al segond Statut d'Autonomia, che 'l recognosseva l'autonomia de Bolzan de Trent.

Del 1978 inn scominciad di noeuv atach bombaroeul, e inn soltad per ari el monument de la Vitoria a Bolzan, quell ai Alpin in la guerra d'Abissinia a Brunico e la tomba de l'Ettore Tolomei a Montagna, oltra a di atach contra i compagnie publeghe tant 'me la RAI e la SIP.

In del midem period inn vegnude foeura di sociazzion terroristeghe italiane, compagne de l'Associazione per la Protezione degli Italiani e del Movimento degli Italiani in Alto Adige, che hann fad soltà anca lor di obergh, la statua de l'Andreas Hofer a Meran, la cà del president de la provincia Silvius Magnago e hann anca mitud el tossegh in di pom in sui alber.

Bibliografia

• Hans Karl Peterlini: Südtiroler Bombenjahre. Raetia Edition, Bozen 2003