Drum and bass

De Wikipedia

Lombard Occidental

Quel articul chì l'è scrivüü in Lumbard, cun l'urtugrafia insübrica ünificada.
El Goldie, un DJ impurtant per la nassita del Drum and bass

El Drum and bass (scürtaa anca d&b, DnB, dnb, d'n'b, drum n bass, drum & bass) a l'è un gener de müsega eletroniga cugnussüü anca cunt el nòm Jungle nassüü in Regn Ünì a la fin di agn '80. I sò carateristich a hinn: ritm de la bateria s'cepaa (broken beat) e svelt (de solit 160-180 bpm, cunt eceziun per vecc müsegh) e toch pesant del bass che cuntegnen anca la meludia. Dunca i part a frequenz volta servissen dumà per fà cumpagnia a la meludia del bass, e questa a l'è una carateristiga ünega.
El drum'n bass el gh'ha dent element d'un frach de stil: ragga, dancehall, electro, funk, hip hop, house, jazz, heavy metal, reggae, rock, techno e trance. El drum'n bass a l'è ancamò cunsideraa un gener underground ma anca lü l'ha inflüenzaa la müsega pupulara de incö.

Artista fundamentaj[Modifega | modifica 'l sorgent]