Müsega house

De Wikipedia
Va a: navegá, truvá
Lombard Occidental Quel articul chì l'è scrivüü in Lumbard ucidental urtugrafia ünificada.


La müsega House a l'è un gener de müsega eletroniga che'l s'è desvilüpaa in dij cumünità afruamerican e latin de Chicago (Chicago House) cun la inflüensa de la disco, del funk e del soul de la metà dij agn '70. Dopu l'house l'è 'ndada in america (New York) e pöö in Europa.
El gener el gh'ha una metriga de solit in 4/4 cun la cassa che la bat ògni quart, anca se el ritm el pö vess püssè cumplicaa. A gh'è semper anca el snare in dij batit par e un piat hat in cuntratemp che'l fa cumpagnia ai gir del bass in vüna o dò batüd. El bass el pö vess sintetich, acüstich o eletrich. La meludia la dipent del gener de müsega house: despess a gh'hinn fras de pianufort, ghitar acüstich o eletrich funky o jazz, assul, sintetisadur, e i vus cumpagn del funk e del soul. La velucità a l'è intra i 105 e i 130 bpm, anca se in general i cansun se sonen a 120-125 bpm. Un toch house al gh'ha una lunga intrudüssiun e una lunga cua perchè servissen al DJ per missà i cansun.