Carlo Codega
|
Quest articol chì l'è scrivud in lombard, con la Noeuva Ortografia Lombarda |
El Carlo Codega a l'è 'na figura legendaria de la lengua lombarda e de 'n quaj dialet de confin, doperada per parlà di temp propi antigh. Di voeulte l'è italianizad in Carlo Cotenna quand che l'è doperad in italian.
Se pensa che 'l nom el deriva de l'usanza antiga de aconciàss i cavei con la codega del porscell, 'na roba che sgiamò in del 1800 a l'era propi veggia, e donca l'è stada sociada ai period andad, ma gh'è anca di teorie ligade al period de la revoluzzion franzesa, indova che a portà el covin ben aconciad eren i conservator. Gh'è anca di teorie ligade ai servitor e 'n quajvun el pensa che 'l Carlo Codega el fuss l'Imperator Carlo V.