Cucumis sativus

Cucumis sativus
occ.: cocumer; or.: cöcömer
	; Cocumer ch'hinn dré a cress ;
Classifigazion sientífiga
Regn:	Plantae;
SubRegn:	Tracheobionta;
Division:	Magnoliophyta;
Clas:	Magnoliopsida;
Subclassa:	Dilleniidae;
Ùrden:	Cucurbitales;
Famìa:	Cucurbitaceae;
Sota-famìa:	Cucurbitoideae;
Stìrpa:	Benincaseae;
Sota-stìrpa:	Cucumerinae;
Zèner:	Cucumis;
Spéce:	Cucumis sativus;

Quest articol chì l'è scrivuu in lombard, grafia milanesa.

Quella vos chi la gh'ha mìnga dì font o a hinn tròpp pocch. Per piesè, gionta di font a la vos.
Per avè on'ideja di alter vos senza font, vardee chichinscì.

El cocumer, in ortografia insubrica unificada cucümer, (per la nomencladura scentìfega: Cucumis sativus) l'è ona verdura che la vegn de l'India ma che voramai l'è spantegada depertutt in del mond. L'è ricch de saa mineraj e vitamin e l'è famos giamò del 1500 per juttà a avègh ona pell pussee bella.

In di olter lengu

In d'ona quaj lengua neolatinna, comè 'l catalan, el franzes e anca 'l lombard a l'è ciamaa cont ona parolla che la vegn de la parola latinna cucumerem.

Anca in del sud e in del ovest del mond de lengua germanega 'l termen drovaa 'l vegn de la parolla latinna "cucumerem": in Südtirol Gimmerle (anca se al didincoeu la gent la droeuva pussee despess el termen in Todesch Standard, ciovè "Gurke"); in de Volta Baviera Guckummer; in de la Sguizzera Todesca Guggummere; e in Nord Baviera Kimerling; menter ch'in Austria e in de la Baviera Orientala vun el dis Umurken. In Ingles ghe disen cucumber; in Afrikaans e Olandes Komkommer.

Inscambi in italian el cocumer el se ciama cetriolo, parolla che la vegn del latin citriŏlum, donca ceder piscinin; in portoghes e in spagnoeu a l'è ciamaa pepino.