Beatrice Mautino
|
Quest articol chì l'è scrivud in lombard, con la Noeuva Ortografia Lombarda |
La Beatrice Mautino (Ivrea, 13 de fevrer 1978) a l'è una scritora e divulgadora scentifega italiana.
Biografia[Modifega | modifica 'l sorgent]
Laureada in biotecnologie industriai in del 2002, in del 2008 la ciapa un dotorad in neurobiologia a l'Università di Studi de Turin e poeu un master in comunegazzion de la scenza in del cors el rasor de Occam, indova che poeu la deventarà insegnanta. Dopo vessés dedicada a la ricerca in del so camp, la se da a la divulgazzion, del 2012 la se ocupa del programa del Festival de la Scenza de Genoa e l'ha tolt part a la fondazzion de la rivista Query Online del CICAP.
In del 2015 l'ha scrivud, insema al Dario Bressanini, el liber "Contro Natura", dedicad ai biotecnologia e a l'agricoltura biologega e del 2016 la scriv la rubrica la ceretta di Occam in su Le Scienze, dedicada a la scenza che la gh'è dree ai cosmetegh, e la guadagna semper pussee de visualizazzion e success in sui social.
In del 2020 ghe dann el premi Capo D'Orlando, in la sezzion "comunegazzion multimedial" e del 2022 la gestiss un podcast, Ci vuole una scienza, con l'Emanuele Menietti, che l'è dad foeura in sul sit de il Post e in sui piataforme pussee importante.
Opere[Modifega | modifica 'l sorgent]
- cont el Stefano Bagnasco e l'Andrea Ferrero, Sulla scena del mistero, Sironi, 12 maggio 2010, ISBN 9788851801342.
- cont el Dario Bressanini, Contro natura, Rizzoli, 7 maggio 2015, ISBN 88-17-08092-6.
- Il trucco c'è e si vede, Chiarelettere, 18 gennaio 2018, ISBN 9788832960433.
- La scienza nascosta dei cosmetici, Chiarelettere, 30 gennaio 2020, ISBN 8832961873.
- È naturale bellezza, Mondadori, 23 novembre 2021, ISBN 9788804744320.
Ebook[Modifega | modifica 'l sorgent]
- Stamina. Una storia sbagliata, Cicap, 2014, ISBN 9788895276243.