A ol Franzesch Olivee

Quest articol chì l'è scrivuu in lombard, grafia milanesa.

Quella vos chi la gh'ha mìnga dì font o a hinn tròpp pocch. Per piesè, gionta di font a la vos.
Per avè on'ideja di alter vos senza font, vardee chichinscì.

A ol Franzesch Olivee (titol intregh: A ol Franzesch Olivee par numerada dit a ol Colombee al cerca de tornà in grazia ai Lustrissim Scior Patron e ja prega de caritaa e misericordia) a l'è on librett publicaa a Comm el 21 de agost del 1806 in la stamparia Ostinadell.
L'autor (anca se in del librett a l'è minga staa scrivuu) el saria el scior Giuli Zeser Gatton (1741-1809), gesuitta comasch e omm de coltura e scienza.
El se tratta del primm lavorà scritt in dialett comasch. El liber a l'è citaa anca in del vocabolari (1845) de l'abaa Peder Mont.

El liber[Modifega | modifica 'l sorgent]

El liber el se presenta come ona perorazzion del scior Franzesch Olivee, on vegg paisan che 'l lavora per el Capitol de Comm. Quell lì el saria borlaa in desgrazzia per via de ona lit de reditaa cont i sò nevod Ignazzi e Franzesch (soratutt l'Ignazzi). Quei duu lì, per mezz de bosii e omission, eren reussii a veng la causa, anca grazzia al patrocini del scior Canevee, el delegaa del Capitol.
In del liber, l'Olivee el cerca de spiegà i sò reson, cont el sostegn moral e religios del sò confessor (dedree al qual la se scond la figura de l'autor).