Viola dubyana
|
|
Chest artícol a l'è scricc in Lumbàrt, ortograféa orientàl unificàda. |
| Viola dubyana | ||||||||||||||
|---|---|---|---|---|---|---|---|---|---|---|---|---|---|---|
| or.: Viöla de Duby | ||||||||||||||
 | ||||||||||||||
| Classifigazion sientífiga | ||||||||||||||
| ||||||||||||||
| Nomm binomial | ||||||||||||||
| Viola dubyana Burnat ex Gremli (1890) |
Viola dubyana l'è 'na piànta de la famìa botànica de le Violaceae.
Descrisiù[Modifega | modifica 'l sorgent]
L'è 'na spéce erbàcea col rizòma che và dré a tèra e gamp che rìa 'nfìna a 20 ghèi, sènsa pelüria o se pròpe con péi cürcc cürcc. Tìpiche i è le fòie del gamp che 'n bas i è rotónde con de le capète bèle làrghe e srotondàde (crenàde), chèle de la part piö àlta del gamp i è lanceolàde strète, co l'òrlo lis e compagnàde, endèl pónt de insersiù, de stìpole palmato-partìde, dividìde 'n 6-9 segmèncc lineàr.
La coròla l'è de culùr viòla conde'na macìna 'n mès zàlda-doràda. La fiorés endèi més de zögn e löi.
Distribusiù[Modifega | modifica 'l sorgent]
La Viola dubyana l'è cunsideràda 'n endemìsmo insübrich, el sò areàl difàti 'l và de l'Alt Gàrda (pruvìnce de Brèsa e Trènt) 'nfìna a le Grìgne.
Habitat[Modifega | modifica 'l sorgent]
La crès sö geròcc calcàrei-dolomìtich, endèle scarpàde e 'ndèi cantù 'ndóche mànca la codèga erbùza, presapóch dei 1400 'nfìna ai 2100 m.
Curiuzità[Modifega | modifica 'l sorgent]
El segónt tèrmine del binòmio scentìfich l'è stat prupunìt del botànich svìser Émile Burnat, e püblicàt endèl 1878 endel'òpera de Auguste Gremli, "Excursionsflora für die Schweiz". El ghe l'ìa dedicàda al coléga svìser Jean Étienne Duby, autùr de 'na "Synopsis Plantarum in Flora gallica descriptarum" endèl 1828-30.
Colegamèncc estèrni[Modifega | modifica 'l sorgent]
Sö Wikipsecies: Viola Dubyana