Silene

De Wikipedia
Va a: navegá, truvá
Chest artícol a l'è scricc in Lumbàrt Orientàl, ortograféa unificàda Lombard oriental


Silene
Silene vulgaris
Silene vulgaris
Classifigazion sientífiga
Regn: Plantae
SubRegn: Tracheobionta
Division: Magnoliophyta
Clas: Magnoliopsida
Subclassa: Caryophyllidae
Ùrden: Caryophyllales
Famìa: Caryophyllaceae
Stìrpa: Sileneae
Zèner: Silene
L.

Silene l'è 'l nòm de 'n zèner de piànte de la famìa de le Caryophyllaceae. I è piànte 'mparentàde con chèle del zèner Lychnis.

Etimulugìa[Mudifega | mudìfica 'l sorgènt]

El nòm del zèner l'è de sigür en relasiù co la figüra de Sileno, pàder adutìf e edücadùr de Dioniso, sèmper figüràt co la pànsa 'nfiàda che la fà nì 'n mènt el càles de divèrse spéci, per ezèmpe S. vulgaris o S. conica.

Descrisiù[Mudifega | mudìfica 'l sorgènt]

Le piànte del zèner Silene le g'ha fòie opòste. De sòlet i è laceolàde ma 'ndèna quach spéce pò a lineàre o spatolàde.

I fiùr i è ermafrudìcc o polìgami (sö 'l stès ezemplar se troa fiùr apéna mascc o apéna fèmina), eteroclamidàcc (pereànse co càles e coròla bèi destacàcc), pentàmer (càles e coròla furmàcc de 5 elemèncc). I fiur del zèner Silene de sòlet i è bianch, zaldulì, ròza o rós.

El càles l'è l'elemènt piö caraterìstich de chèsta spéce; l'è a fùrma de tübizì (gamosèpalo), de spès l'è sgiónf, con divèrse nervadüre sö la longhèsa (de 10 'nfìna a de piö de 50) e dentàt a l’àpice.

Divèrse spéci le pöl vìga fiur unisesuài (en particolàr, S. dioica e S. latifolia). En chèsti càzi el càles dei fiùr fèmina de spès i è piö sgionf che chèl dei fiùr mascc. El fröt l'è 'na cápsula a 5 compartimèncc.

La Silene dioica, la Silene vulgaris e la Silene latifolia i è piànte che se èt facilmèt en töta Europa.

Galerìa[Mudifega | mudìfica 'l sorgènt]

Riferimèncc[Mudifega | mudìfica 'l sorgènt]

Colegamèncc estèrni[Mudifega | mudìfica 'l sorgènt]

Commons-logo.svg
Wikimedia Commons
al gh'a dent roba culegada a: