Sex Pistols

De Wikipedia
Va a: navegá, truvá
Lombard Occidental Quel articul chì l'è scrivüü in Lumbard ucidental urtugrafia ünificada.


I Sex Pistols in del 2007

I Sex Pistols hinn un grup ingles de müsega punk che'l s'è furmaa a Lundra in del 1976. I sò member uruginaj eren el cantant Johnny Rotten, un bigulaster irlandes che 'l sera mai netaa i dinc, el ghitarista Steve Jones, mej cugnussüü cunt el suranom de "Jonesy", el batarista Paul Cook, e'l bassista Glen Matlock (anca se dopu el Sid Vicious el gh'ha ciapaa el sò post). Anca se la sua carera l'è dürada dumà trì agn e hann faa dumà quater singul e un disch, Never Mind the Bollocks, Here's the Sex Pistols, i Sex Pistols hann faa una revulüziun in de la müsega rock cun la nassita del muiment punk in del Regn Ünì.
I Sex Pistols eren la resposta a la cumplicatezza del progressive rock, a la müsega disco e'l pop de la metà dij agn '70. Per un frach de gent, i Sex Pistols eren püssee famus per el sò cumpurtament, per el burdel ai cuncert (che'l faseven anca i spetadur), per i prublema cunt i uturità che per la sua müsega. El singul del 1977 God Save the Queen l'era cunsideraa cuntra la munarchia e'l naziunalism britanegh.
A la fin d'un tour incasinaa american, el Rotten l'ha mulaa el grup in del genar del 1978. El rest del grup, el Jones, Edward Tudor-Pole e Ronnie Biggs, hann segütaa a sunà per poch temp fina al prncipi del 1979. In del febrar de chel ann, el Sid Vicious el mör de un' overdose d'eruina. Del 1996 l'è la prima reüniun; alter cuncert i hann faa in del 2002, 2003, 2007 e 2008.
In del 24 febrar del 2006 i hann metüü in de la Roll Hall of Fame ma lur hann minga vursüü andà a la cerimonia.

Discugrafia[Mudifega | mudìfica 'l sorgènt]

Album in stüdi[Mudifega | mudìfica 'l sorgènt]

Racolt, Album live, e bootlegs[Mudifega | mudìfica 'l sorgènt]

Singul[Mudifega | mudìfica 'l sorgènt]

Ligam de föra[Mudifega | mudìfica 'l sorgènt]

Sit ufizial