Referendum Costituzional del 2017 in Turchia
El 16 de april del 2017 gh'è staa on referendum costituzional in Turchia per decid se approvà o scassà 18 emendament a la Costituzion turca, fioeui de 'n accord in tra el partii del Recep Tayyip Erdoğan e 'l partii nazionalista turch, che scassarien la figura del primm minister, e donca avarien trasformaa la Turchia da republega parlamentara a republega presidenziala, oltra a scassà i cort militar, volzaa fiss el roeul e i poder del president e volzà a 600 i member del Parlament turch.
El referendum l'è staa in d'on clima de emergenza dovuu al Tentativ de Colp de Stat in Turchia del 2016, e donca i sò parpoeust hinn anca miraa per cavà via poder ai soldaa, che hinn garant de la laicità del Stat comè de princippi kemalista: Per esempi i omen ligaa ai forz armaa devegnen ineleggibil, e l'è pu obbligatori fà la leva militar per andà in politega.
I primm sondagg eren a favor del no, ma quej di ultem di hinn vegnuu a favor del sì, de pocch. E se i primm exit poll daven vincitor el sì de oltra el 60%, a la finn hinn staa confermaa i ultem sondagg pre-votà cont ona vittoria del sì votaa del 51,3% di elettor, e la vittoria del no ad Ankara e Istanbul.