Pizz de Clar
|
«Quand el Pizz de Clar el gh'ha sù el cappell, mett via la ranza e toeu scià el restell.»
|
(Proverbi de Bellinzona)
|
|
|
«Quand che 'l Poncion de Cree o gh'ha sù el cappell, o ch'a pioeuv o ch'a fa bell»
|
(Proverbi de Pronz)
|
|
|
«Quand che 'l Scimon de Cree o fa sù el cappell, pontee vì la falsc e cattee scià 'l restell»
|
(Proverbi de Molen)
|
El Pizz de Clar o Visagn (parnonziaa [vi'zɛɲ] in del dialett de Crescian; Poncion de Cree [pu'ntʃoŋ da krɛː] in del dialett de Pronz; Scimon de Cree [ʃi'moŋ da krɛː] in del dialett de Molen[1]; Pizzo di Claro o Visagno in Italian) l'è on mont (di Alp) del Canton Tesin, che l'è alt 2.727 meter.
El ciappa el sò nomm del paes de Clar (o Cree), che l'è 'l paes che 'l se troeuva ai soeu pee.
L'è l'ultem mont a mezzdì de la cadena di Mont de l'Adula. El Pizz de Clar el spartiss la Val Riviera de la Calanca. Sott al pizz se troeuva el laghett de Canee.
El gh'ha dò scimm che hinn quasi istess: quella pussee a nord l'è pù alta de domà sett meter. La scima meridional la varda la Riviera, quella de nord inveci la varda la val de Crescian. I scimm hinn legaa de ona costa de 150 meter, e inscì la ven foeura ona forma a trapezzi che la se ved anca fin sù in Leventina.