Perito Moreno
| Chest artícol a l'è scricc in Bergamàsch, ortograféa del Dücat semplificada |  |
Ol Perito Moreno l’è ü giasér de l’Argentina che l’ se tróa ‘n del parch nasionàl de Los Glaciares zó a mesdé ‘n de prunisa de Santa Cruz in de la Patagonia argentina.
Cuntegnüü |
[Mudifega] Ol nòm
L’è isé ciamàt ‘n onùr del Francisco Moreno, ün esploradùr argentì del sécol XIX, che l’éra ün espèrt, ü perito ‘n spagnöl, de la Patagonia.
[Mudifega] I misüre
L’è lónch 30 chilòmeter, l’è grant piö o méno 250 chilòmeter quadràcc e l’è spès 170 méter, 70 de chèsce i è sura ol lièl del lach Argentì, desà che la particolarità del Perito Moreno l’è pròpe chèla de finì in del lach argentino.
[Mudifega] Ol giasèr e ‘l lach
A belase ol giasér l’ và ‘nacc e l’ tèa fò ‘n dù ol lach e de la banda a mut l’aqua, che la rèsta ‘ntrapulada, la taca a ‘ndà sö de lièl, fina a rià a 30 méter sura ‘l lièl normàl del lach. Sóta la presiù de l’aqua ol giàs a l’ se s-cèpa, l’ se lasa ‘ndà e l’aqua la ghe ria a la fì a scapà vià: l’è ü laùr spetaculàr de èt.
Ol Perito Moreno l’è öna gran atrasiù per i türisti, dasà che l’è bèl grant, l'è bèlfà giraga sura pò a pé e l'è adóma a dò ure de coriéra ad El Calafate.
