Paul Auster

De Wikipedia
Va a: navegá, truvá
Lombard Occidental Quel articul chì l'è scrivüü in Lumbard ucidental urtugrafia ünificada.


El Paul Auster in del setember del 2008

El Paul Auster (Newark, New Jersey, USA 1947 ) a l'è un scritur, pueta, tradütur e diretur de cinema american.

Biugrafia[Mudifega | mudìfica 'l sorgènt]

A l'è nassüü a Newark el 3 de febrar del 1947 d'una familia uriginaria de l'Europa centrala e ebraiga. El legg tant de bagaj e'l taca a scriv i so prim puesij in de l'adolescenza. 'L se laurea a la Columbia University in del 1969 e pöö 'l part cunt una petrulera. Intra 'l 1971 e'l 1974 'l viv in Francia. A l'è un periud dedigaa suratüt a la puesia (i liber Unearth del 1974 e Wall Writing del 1976).
Al se met a scriv rumanz a la fin di agn '70. El riva al sücess literari internaziunal cun la famusa Trilugia de New York, fada de trì liber cürt. Ultra a fà el scritur 'l se dediga anca al cinema 'me scenegiadur (Smoke e Blue in the face) e anca regista (Lulu on the Bridge). A l'è spusaa cunt la so segunda miee, la scritura Siri Hustvedt, famusa anca lee, e i dü i hann una tusa, Sophie (l'aveva giamò avüü un fiö de la prima miee, la scritura Lydia Davis).

Tema e stil[Mudifega | mudìfica 'l sorgènt]

A l'è cunsideraa un scritur postmudern. Tema tipigh de la so övra a hinn l'assürd, l'esistenzialism, i stori del crimin, la recerca de l'identità e del sens. I so liber principaj a hinn The New York Trilogy (1987), Moon Palace (1989), The Music of Chance (1990), The Book of Illusions (2002) e The Brooklyn Follies (2005).

Bibliugrafia[Mudifega | mudìfica 'l sorgènt]

Rumanz[Mudifega | mudìfica 'l sorgènt]

  • Squeeze Play (1982) (scrivüü cunt el pseudonim Paul Benjamin)
  • The New York Trilogy (1987)
    • City of Glass (1985)
    • Ghosts (1986)
    • The Locked Room (1986)
  • In the Country of Last Things (1987)
  • Moon Palace (1989)
  • The Music of Chance (1990)
  • Auggie Wren's Christmas Story (1990)
  • Leviathan (1992)
  • Mr. Vertigo (1994)
  • Timbuktu (1999)
  • The Book of Illusions (2002)
  • Oracle Night (2004)
  • The Brooklyn Follies (2005)
  • Travels in the Scriptorium (2006)
  • Man in the Dark (2008)
  • Invisible (2009)

Puesia[Mudifega | mudìfica 'l sorgènt]

  • Disappearances: Selected Poems (1988)
  • Ground Work: Selected Poems and Essays 1970-1979 (1991)
  • Collected Poems (2007)

Scenegiadur[Mudifega | mudìfica 'l sorgènt]

  • The Music of Chance (1993)
  • Smoke]] (1995)
  • Blue in the Face (1995)
  • Lulu on the Bridge (1998)
  • The Inner Life of Martin Frost (2007)

Alter[Mudifega | mudìfica 'l sorgènt]

  • The Invention of Solitude (1982)
  • The Art of Hunger (1992)
  • The Red Notebook (1995)
  • Hand to Mouth (1997)