Paolo Brera

Quest articol chì l'è scrivuu in lombard, grafia milanesa.

El Pavol Brera (Milan, 16 settember 1949), a l'anàgraf Paolo Alberto Brera, l'è on scrittór, traduttór e giornalista^[1] lombard.

Biografia

El Pavol Albert Brera (Paolo Alberto Brera) l'è 'l terz fioeu del scrittór e giornalista Giovann Brera e de la Rina Gramegna, insegnanta.

El s'è sposaa dü volt, cont la Clelia Bertell (Bertello), la Rosetta Griliee (Griglié). El gh'ha dò tosann, la Jalee (Jalée) e la Lavinia Lys.

El Brera l'ha ciapaa la sò laorea in Economia Politica a l'Universitaa Bocconi de Milan^[2], indove l'è anca staa assistent fra el 1974 e el 1978. Per on poo de mes nel 1977 l'è anca staa visiting scholar (studiós in visita) a l'Universitaa de Poznań, in de la Polonia.

Dal 1980 al 1985 l'a faa part de la Comissión Econòmica Central del Partii Socialista Italian.

Apòs d'avè faa finna al 1985 on lavorà de ricerca sui economii pianificaa de l'URSS e de l'Europa Oriental, publicand ona cinquantinna de sagg su di rivist specializzaa, el s'è daa al giornalism, scrivend per Critica Sociale, ItaliaOggi e Il Secolo XIX. Cont l'andà del temp l'ha collaboraa anca cont la Labour Weekly, l'Exormissi, la Neue Gesellschaft, el Corriere della Sera, el Corriere del Ticino, la Padania e cont di alter ancamò. Ind el 1989 l'è staa capo-redattór de l'edizzión italiana de la rivista russa Moskovskie Novosti. Fra el 1997 e el 2002 l'ha dirigiuu e publicaa la rivista "Brera", dedicada al quarter de Milan ch'el porta l'istess nomm. Tra i collaboradór de la rivista el Giusepp Pontiggia, el Carla Castellaneta, la Rossana Bossalia (Bossaglia), la Vittoria Palazz (Palazzo), la Vittoria Cólp (Colpi), el Giuli Signór (Giulio Signori), e di alter anchmò.

Apòs de l'an 2000 el Brera l'ha publicaa on bel poo de romanz giald, on studi per Famiglia Cristiana, tre raccolt de poesìi, on progett letterari sul Don Gioann e d'alter robb ancamò, e l'ha collaboraa ai rivist cultural Viator e Eos.

El Brera ha voltaa de la lengua original a l'italian di òper de Balzac, Puškin, Zorrilla^[3], Turgenev^[4], Sienkiewicz^[5].

In del 2011 l'ha mettuu suu la collana "Pangea" de l'editor Viator-Servitium, la casa editora fondada dal pader David Maria Turoldo. La collana, dirigiuda dal Brera, l'ha publicaa di raccont de scrittór famós in di traduzzión noeuv, cont el test original de front se i autór hinn minga italian. La stessa impostazzión l'è adess a la bas de la collana de ebook de l'editór Algama^[6]

Insemma a l'Andrea Carla Cappi el Brera l'ha scritt el romanz de spionagg "Il Visconte" (El Viscónt), ambientaa in del Risorgiment italian. L'azzión la se svoeulg in de la Lombardia, in del Piemont e in del Regn di Dò Sicili.

Dal 2008 el Pavol Brera el se spartiss metaa e metaa fra Nizza, in de la Francia, e Milan.

Bibliografia

Denaro. Scritti di economia e letteratura, Bressa, Shakespeare&Company, 1985.
Dagmar la terrestre, Bològna, Perseo Libri, 1992.
Annuario economico del calcio italiano (insemma a l'Alberto Scherillo), Milan, Baldini e Castoldi, 1995.
Aurore (vers), prefazzión del Leonardo Coen, Milan, Otma Edizioni, 2002.
Emergenza fame. Il paradosso del mondo opulento, Milan, San Paolo, 2003 (Famiglia Cristiana dossier).
Gioanfucarlo (la storia de la vita del Gianni Brera), scritt insemma cont el Claudio Rinaldi, Milan, Boroli, 2004.
Miti seri ed inversi (vers), prefazzión del Vladimir Nabokov, Milano, Otma Edizioni, 2004.
Il veleno degli altri, Lugan, Todaro Editore, 2006; www.algama.it, 2016.
Il denaro degli altri, Treviis, Editing, 2006; www.algama.it, 2016.
Due secoli di Milano e non immediati dintorni (vers), Turin, Aragno, 2007.
Don Giovanni. Un progetto di Paolo Brera, cont di oper de Balzac, Puškin, Zorrilla e Gianni Brera, trad. e prefazzión del Paolo Brera, Milan, Alacrán, 2007.
La prigione degli altri, Milan, BookTime, 2008.
La mobile. Racconti metropolitani (insemma al Celeste Bruno), Milan, Mursia, 2009.
L'artificiere (insemma al Celeste Bruno), Pavia, Altravista, 2009.
Il visconte, insemma a l'Andrea Carlo Cappi, Milano, Sperling&Kupfer, 2011.
Eos. Sparare nel mucchio. Scritti di tuttologia applicata, Bagnacavallo, Discanti, 2011.
Guida letteraria ai ristoranti Milano, Il Novello, Bologna, 2015.
Prigionieri del Caucaso, www.algama.it, 2016.
Senza vampiri, www.algama.it, 2016.
La locanda delle streghe, www.algama.it, 2016.

Riferiment

↑ Ordine dei Giornalisti della Lombardia, Albo degli Iscritti, http://www.odg.mi.it/albo/albo.php Arqiviad qé: [1]
↑ http://www.alumnibocconi.it/ Arqiviad qé: [2]
↑ Don Giovanni. Un progetto di Paolo Brera, con opere di Balzac, Puškin, Zorrilla e Gianni Brera, trad. e prefazione di Paolo Brera, Milano, Alacrán, 2007.
↑ I.S.Turgenev, Primo amore, Periplo, Lecco, 1995, trad. e prefazione di Paolo Brera.
↑ Henryk Sienkiewicz, Bartek il Trionfatore, Milano,La Vita Felice, 1995, trad. e prefazione di Paolo Brera.
↑ www.algama.it .

[1] Ordine dei Giornalisti della Lombardia, Albo degli Iscritti, http://www.odg.mi.it/albo/albo.php Arqiviad qé: [1]

[2] ttp://www.alumnibocconi.it/ Arqiviad qé: [2]

[3] Don Giovanni. Un progetto di Paolo Brera, con opere di Balzac, Puškin, Zorrilla e Gianni Brera, trad. e prefazione di Paolo Brera, Milano, Alacrán, 2007.

[4] I.S.Turgenev, Primo amore, Periplo, Lecco, 1995, trad. e prefazione di Paolo Brera.

[5] Henryk Sienkiewicz, Bartek il Trionfatore, Milano,La Vita Felice, 1995, trad. e prefazione di Paolo Brera.

[6] www.algama.it .

[1]

[2]

[3]

[4]

[5]

[6]