Pétalo

De Wikipedia
Va a: navegá, truvá
Chest artícol a l'è scricc in Lumbàrt Orientàl, ortograféa unificàda Lombard oriental
Coròla de 'n fiùr co pétali e sépali en evidènsa

El pétalo l'è giü dei elemèncc che fùrma 'l fiùr de le Angiospermae.

L'è l'evulusiù de 'na fòia che 'ndèl cors del tép la s'è trasfurmàda e che, ensèma ai óter elemèncc la fùrma la coròla de 'n fiùr.

Caraterìstiche[Mudifega | mudìfica 'l sorgènt]

La part piö strèta del pétalo – chèla che se 'nserés endèl resetàcol — l'è ciamàda öngia, envéce la part piö làrga, che se dèrf envèrs l'estèrno, la g'ha nòm de làmina o lèmbo. A la bàze del pétalo se tróa de spès el netàre, 'na ghiàndola che la böta fò 'l nètare.

El pétalo el pöl vìga divèse fùrme e culùr (chèi che tìra al vért i è ciamàcc pétali sepalòidi); a tocàl el par vülüdàt (per vìa de la prezènsa de la papìla) e sitìl; pöl capetà però che 'n sèrte zèner el sàpe carnùs o sedenò fì fì.

L'ensèma dei pétali el g'ha la funsiù de protèger i stam e i pestéi (le parcc fèrtii del fiùr) e i è per vìa del sò culùr, 'na atrasiù per i insècc che i rènt pusìbol l'impolinasiù per la reprudusiù de la spéce.

Us ligàde[Mudifega | mudìfica 'l sorgènt]