Scala (teater)
El Teater a la Scala (in milanes vegg Scara) de Milan, l'è vun di teater de musica lirica, musica classega e ballett pussee famos del mond. El teater sa troeuva in la Piazza de la Scala, che la toeu el nòmm dalla Gesa de Santa Maria a la Scala, impientada nel 1381 e ciamada inscì in onor de Regina de la Scala, miee de Bernabò Visconti.
El teater l'è opera de Giuseppe Piermarini e l’è stà impientaa per volontà de ona societaa de palchettista che gh'hann avuu la permission de Maria Teresa d'Austria a fabricà on teater noeuv, dopo che nel 1776 el Teater Ducal, che gh'era prima, e che se trovava dent in del palazz real, l'è andà a foeugh. Per avegh semper on teater taccaa al palazz, insemma a la Scala hann faa sù on alter teater, quell della Cannobiana, che adess se ciama Teater Lirich.
L'inaugurazion de la Scala la s'è tegnuda el 3 agost 1778, con l'opera Europa riconosciuta, de Antonio Salieri. In tra el 2002 e 'l 2004 a l'è stada sarada su per restruturazion, cont el fà su de 'n noeuv palch e 'na nettada e cambi de material de la platea.
Ligamm de foeura
[Modifega | modifica 'l sorgent]Alter progett
[Modifega | modifica 'l sorgent]
Wikiquote el gh'ha dent citazzion de o su La Scala
Wikimedia Commons el gh'ha dent imagin o alter archivi su La Scala
