Lönàre

Chest artícol a l'è scricc in Bresà, ortograféa Modèrna

En lönàre Hindu

El lönàre (ciamàt apò calendàre) l'è 'n sistéma dopràt de l'òm per divider, calculà e dàga 'n nòm ai vàri perìodi de l'an.

Col tèrmine lönàre se defenés apò 'l strüment (de sòlit en blòc de fòi con segnàt sö i dé e i més) che se dopèra per dàga 'na sostànsa a chèsto sistéma de müzüra del tép, e difàti eziste i lönàre de mür, de banc, ecc.

Quàze töcc i lönàre i se bàza söle ünità de tép fondamentài discriìde che sóta:

• la setemàna: che la düra sèt dé;
• el més, che 'l düra piö o méno quater setemàne;
• l'an, che de sòlit el düra dùdes més.

Ogni nasiù la g'ha 'l sò calendàre uficiàl per defenéser le fèste e identificà le dàte en maniéra ünica. El sistéma che se dopèra 'n Itàlia per scópi civìi al dé d'encö l'è 'l calendàre Gregorià.