Kinshasa

Articol di 1000 che tucc i Wikipedie gh'hann de havégh
De Wikipedia

Lombard Occidental

Quel articul chì l'è scrivüü in Lumbard, cun l'urtugrafia insübrica ünificada.

Kinshasa a l'è la capital de la Repüblica Demucratica del Congo.

A l'è anca la prima cità del paes per impurtanza cultürala, ecunomiga e cumerciala e per pupulaziun, cun 7.500.000 abitant (2005).
La sua impurtanza a l'è favurida perchè a l'è arent a Matadi, ai alter cità principaj del paes e al fiüm Congo, che l'è navigabil per püssee de 2900 chilometer.

Geugrafia[Modifega | modifica 'l sorgent]

Panurama de Kinshasa

Kinshasa a l'è in sü la spunda meridiunala, quela manzina, del fiüm Congo, propi denanz a Brazzaville, la capital del Còngo.

Storia[Modifega | modifica 'l sorgent]

Kinshasa l'ha fundada in del 1881 l'Henry Morton Stanley e ciamada Léopoldville (in frances, e Leopoldstad in ulandes), del nom del rè del belgi Leupuld II.
Avampost militar, la cità a l'ha scuminciaa a cress de impurtanza quand che'l s'è dervii el trafich in sül fiüm fina a Stanleyville (al di d'incö Kisangani), e hann faa sü la feruvia (1898) e'l metandot (1914), che l'hann culigada al port de Matadi, in sü l'Ucean Atlantich.
In del 1920 a l'è divegnüda la capital del Congo belga e l'è restada anmò la capital quand che'l paes a l'è vegnüü indipendent in del 1960.
In del 1966 a l'è staa müdaa el sò nom in Kinshasa.