Isotop

De Wikipedia

Lombard Occidental

Quel articul chì l'è scrivüü in Lumbard, cun l'urtugrafia insübrica ünificada.
La tabela di isotop cun la so semivita

I isotop (let.in de l'istess sit) a hinn variant d'un istess element chimigh per via d'una massa atomiga diferenta (el nümer atomigh a l'è semper quel). La resun che gh'è i isotop a l'è che in del nücli de l'atum, el respunsabel de la püssee part de la massa, el nümer di prutun a l'è fiss a segunda de l'element (->nümer atomigh fiss), ma la gh'è minga una curispundenza univuga del nümer di prutun cunt el nümer di neütrun. Per un element podum vegh dunca diferent nümer de neütrun in del nücli e, alura, diferent isotop.