Frontaliers

De Wikipedia
Va a: navegá, truvá
Ludesàn Chel articul chi l'è scrivüd en ludesan cun urtugrafìa ünificada
La lucandina dal prim DVD.

Frontaliers l'è una trasmission televisiva da rid dal canal tri svisser de la RSI[1], inissiada cume emission radiufonica in dal 2006.

Storia[Mudifega | mudìfica 'l sorgènt]

La trasmission, pensada in urigin cume una serie de racunt per la radio [2], l'è pö diventada un insema de curtumetragg girad in italian e lengua lumbarda.

Frontaliers la cunta la storia del Rubert (Roberto) Bussenghi, un fruntalier de la fantasiusa cità de Üsmà Carà, in pruvincia de Com, che'l laura in del canton svisser del Tesin.

Matina, par andà a laurà a Lügan, e dubass, par turnà a cà a Üsmà, el pendular el passa la fruntera a la dugana de Brüsada-Bizzaron (visin a Ciass), indue tüti i volt l'è fermad da la guardia de cunfin elvetica Loris J. Bernasconi, de solit insema al G.T. Verunell.

I dü i metun semper in pé di ridicul discüssion in di quai i cercun de dimustrà parchè la Svissera, o l'Italia, i siun mei. Quel che pö el vegn föra i en le sumijansi tra i du part de la fruntera, a partì da le lengue, lumbarda e italiana, parchè una dugana la basta minga a spartì du cultüre ch'i stan a des chilometer de distansa l'üna da l'oltra.

Prutagunista[Mudifega | mudìfica 'l sorgènt]

I prutagunista d'le püntade i en Flavio Sala che'l fà la part sia del Bussenghi sia del Verunell e che l'ha stüdiad ritratistica e fümettistica al’Academia de bele art de Brera, e Paolo Guglielmoni che l'è la guardia Bernascun.[3]

La regia l'è de Chris Guidotti e Barbara Lehnhoff.

Le püntade dal Youtube[Mudifega | mudìfica 'l sorgènt]

1a serie

2a serie

3a serie

Ligam in sü la red[Mudifega | mudìfica 'l sorgènt]

Riferiment[Mudifega | mudìfica 'l sorgènt]

  1. Pagina uficial de l'RSI
  2. Frontaliers: presto oltre frontiera? (da Infoinsubria.com)
  3. Va a ruba il DVD “Video Frontaliers” con le nuove avventure di Bussenghi e Bernasconi (da Infoinsubria.com)