Forz de polizia in Cechia
In Cechia, el servizzi de polizia l'è da da on poo de agenzii, la pussee importanta l'è la Policie České republiky.
Polizia
[Modifega | modifica 'l sorgent]La Policie la garantiss el respett general de la legg e l'investigazion di crimin ch'i van minga in de la giurisdizion di olter agenzii.
La gh'ha circa 40'500 impiegaa e l'è sotta el Ministeri d'Intern. L'è compartida in 14 dipartiment regionai, cont di division che lavoren a nivell statal.
Dogana
[Modifega | modifica 'l sorgent]La ministrazion dovanala de la Republega Ceca la controlla i confin de la Republega e de l'Union Europea. La combatt el sfros, la falsificazzion di ròbb e via inscì.
La gh'ha 14'500 agent e l'è sotta el Ministeri di Finanz. La protezion fisega del confin a l'è garantida, però, de 'n unità de la Polizia, la Polizia di Forestee.
Servizzi di Presom
[Modifega | modifica 'l sorgent]El Vězeňská služba České republiky el serviss a fà la guardia ai preson, e la controllà i tribunai, oltra a fa la scorta ai giudes e ai procurator. La fa anca i indagini per i crimin faa dent di preson.
La gh'ha 10'700 impiegaa e l'è sotta el Ministeri de la Giustizia.
Ispettoraa General di Forz de Sicurezza
[Modifega | modifica 'l sorgent]El Generální inspekce bezpečnostních sborů l'è la polizia che la fà i indagin per i crimin faa di polee. L'è direttament sottoposta al Prim Minister e la gh'ha 250 impiegaa.
Polizia municipala
[Modifega | modifica 'l sorgent]Tucc i comun de la Cechia, piscinitt e grand, pòden decid de avegh ona Polizia municipala (Městská policie o Obecní policie). La soa giurisdizion l'è limitada al comun che la partegn, se gh'è n'è minga di accord che disen diversament. Despess i comun pussee piscinitt dann a la Polizia di comun pussee grand l'utorizzazzion de lavorà in del sò territori.
L'è controllada del Sindegh o da on olter member del Consej Comunal.
.jpg)
