Faithless elector

Quest articol chì l'è scrivuu in lombard, grafia milanesa.

I Faithless elector hinn di grand elettor che, in del Collegi Elettoral di Stat Unii voten minga el candidaa President o Vicepresident che s'eren impegnaa a votà.

In la pupart di Stat i elettor hinn nominaa di Partii in bas a la soa fedeltà e militanza, e s'ceppà la fiducia el gh'avaria di fort conseguenz politegh, oltra che in d'on quaj Stat civij e penai.

Lista

Dal 2000 a incoeu

2016

In del Collegi Elettoral del 2016 gh'è staa 7 faithless elector, pussee 3 che gh'han avuu el vot invalidaa.

Washington, 3 elettor han daa el sò vot a Colin Powell e 1 a la capa indiana Faith Spotted Eagle. I vot vicepresidenziai hinn 'naa ai Elizabeth Warren, Maria Cantwell, Susan Collins e Winona LaDuke.
In di Hawaii el Bernie Sanders l'ha ciappaa on vot
In Texas Ron Paul e John Kashich gh'han avuu on vot.

I vot invalidaa hinn andaa:

In Colorado on vot l'è andaa al Kashich
In Maine e Minnesota du vot hinn andaa al Sanders

2004

On elettor anonim del Minnesota l'ha fallaa e l'ha mittuu el nomm del candidaa vicepresident inveci de quell del president. Dopo el Minnesota l'ha cambiaa i sò legg per fà el vot publegh.

2000

L'elettora Barbara Lett-Simmons, impegnada per Al Gore in del District of Columbia, l'ha scernuu de astenéss per protesta contra la mancanza de rappresentanza del distrett in del Congress. L'è stada la prima astension dal 1864.