Elisabetta Canalis

De Wikipedia
Lumbard ucidental Quest articol chì l'è scrivuu in lombard, grafia milanesa.
La Canalis in del 2009

L'Elisabetta Canalis (Sassari, 12 de settember del 1978) l'è ona modella, atris e sobrett italiana.
L'è vegnuda famosa quand che l'è diventada vuna di dò veline de Striscia la Notizia (insemm a la Maddalena Corvaglia) in tra el 1999 e 'l 2002.
La gh'ha 'vuu anca on moment de celebrità foeura de l'Italia quand che, per pù o manch desdott mes (in tra el 2009 e 'l 2011), l'è stada la morosa de l'ator american George Clooney.
In del 2011 l'ha presentaa el Festival de Sanremm insemma al Gianni Morandi e a la Belén.