Dryas octopetala

De Wikipedia
Va a: navegá, truvá
Chest artícol a l'è scricc in Lumbàrt Orientàl, ortograféa unificàda Lombard oriental
Dryas octopetala
Mountainavens2.jpg
Classifigazion sientífiga
Superregn: Eukaryota
Regn: Plantae
Division: Magnoliophyta
Clas: Magnoliopsida
Subclassa: Rosidae
Ùrden: Rosales
Famìa: Rosaceae
Sota-famìa: Rosoideae
Stìrpa: Dryadeae
Zèner: Dryas
Spéce: D. octopetala
Nomm binomial
Dryas octopetala
L.

Dryas octopetala l'è 'na piànta de fiùr a distribusiù àrtico-alpina che fà part de la famìa botànica de le Rosaceae. La g'ha portamènt de boscaì pesèn e la scàmpa divèrsi agn, la fùrma dele colònia che pöl véser pò a bèle grànde de preferènsa en ambièncc ruciùs e che par dei tapé.

Descrisiù[Mudifega | mudìfica 'l sorgènt]

Enfrötescènsa de Dryas octopetala.

I gamp i è de tìpo arbüstìf, töcc storzégn, che trà fò dei ram che se svelöpa 'n orizontàl. Le fòie i è sènsa péi de l'endrìt, e tomentùze biànche de l'envèrs. I fiùr i se fùrma 'nsìma a dèi gamp lónch de 3 a 10 ghèi, e i g'ha òt pétali de culùr biànch cremùs. I péi del fröt, che par piöme, prima i g'ha aspèt storzégn, töcc tacàcc ensèma e sterlözèncc, dòpo i se sepàra e i se dèrf fò 'nfìna a furmà 'n balù, che vé facilmènt sparnegàt del vènt.

La crès en pòscc sèch endóche la néf la se delégua per prìma e 'ndoche 'l teré l'è calcàreo, 'n mès al geròt e a le scarpàde ruciùze.

Distribusiù[Mudifega | mudìfica 'l sorgènt]

Dryas octopetala l'è 'na piànta che crès endèn areàl bèl grant en àree montagnùze con préde calcàree. Se la tróa en töt l'Artich, endèi mucc de la Scandinavia, sö le Alpi, Carpàsi, Pirenèi, Balcani, Càucazo e pòscc izolàcc de àlta montàgna. 'N Gran Bretagna, se la tróa söi mucc Pennini (endèl'Inghiltèra setentriunàla), endèn pér de stasiù en Snowdonia (Gales setentriunàl), e piö facilmènt endèle Highlands en Scòsia; en Irlanda se la tróa 'ndèl Burren e e 'n póch óter pòscc. En Amèrica setentriunàla, la rìa 'nfìna al Colorado e a le Montàgne ruciùze.


Taxonomía[Mudifega | mudìfica 'l sorgènt]

Dryas octopetala l'è stàda discriìda del Linèo endèla püblicasiù Species Plantarum 1: 501–502. 1753. [1]

Sinònim[Mudifega | mudìfica 'l sorgènt]

Galerìa de foti[Mudifega | mudìfica 'l sorgènt]

Riferimèncc[Mudifega | mudìfica 'l sorgènt]

  1. |título= Dryas octopetala Tropicos.org. Missouri Botanical Garden
  2. Dryas octopetala en PlantList
  3. 29-11-2012

Leteradüra[Mudifega | mudìfica 'l sorgènt]

Colegamèncc estèrni[Mudifega | mudìfica 'l sorgènt]

Commons-logo.svg
Wikimedia Commons
al gh'a dent roba culegada a: