Cucurbita pepo

De Wikipedia
Va a: navegá, truvá
Chest artícol a l'è scricc in Lumbàrt Orientàl, ortograféa unificàda Lombard oriental
Cucurbita pepo
or.: söchèl
Courgette.jpg
Classifigazion sientífiga
Regn: Plantae
SubRegn: Tracheobionta
Division: Magnoliophyta
Clas: Magnoliopsida
Subclassa: Dilleniidae
Ùrden: Cucurbitales
Famìa: Cucurbitaceae
Sota-famìa: Cucurbitoideae
Stìrpa: Cucurbiteae
Zèner: Cucurbita
Spéce: C. pepo
Nomm binomial
Cucurbita pepo
L., 1753[1]

El söchèl o la söchèla (Cucurbita pepo L.) l'è öna spéce de la faméa botànica dele Cucurbitaceae, i quai fröcc i vé dopràcc zèrp.

Caraterìsteghe[Mudifega | mudìfica 'l sorgènt]

L'è öna pianta anöala col gamp erbadegh flesibol. La pianta la fà sö dei fiùr monosesuàcc. I fiur mascc i è stérii, ma nesesàre per l'empolinassiù dei fiùr fèmina, che i narà a furmà 'l fröt. L'empolinassiù la sa cumbina grasie a i 'nsècc o al vènt (ésta la vicinansa dei fiur mascc e fèmina 'ndela stèsa pianta). El fiur de söca, o fiur de söchèl, de culùr zalt-aranciù, l'è 'n grant doprat en cüzina, tat crüt quàt còt.

Cultivassiù[Mudifega | mudìfica 'l sorgènt]

La pianta dei söchèi la cres bé end'ön clima mitigàt e an puzisiù al sul e con tata argia. L'è 'na pianta che la fa rotasiù trienala, e se pöl cultiàla ensèma co le sigole, coi fazöi rampegancc e la 'nsalada El teré 'l g'ha da vès laurat bé bé, profunt e drenàt perchè le patés i restagn de aiva, e pié de sustanse urganeghe. Per votègner fröcc de qualité an s'g'ha bezógn de mèter quater o sich quintai de lödam madür per sènt méter quadracc. El lödam el fa de vès enterat a profondité de pö o meno quaranta ghèi. Sö teré bé lauracc, samai che le piante i è a sé sistante (densité enferiùr a 1,4 piante per méter quadrat) al rendimènt pöl rià a 40-45 fröcc per pianta. Bòa catà sö i fröcc da vot a dés setemane de la surna, amó zerp, perchè quan che al fröt l'è madür del töt g'ha deter dèle somese che 'l la rènt mia pö bù de maià.

Riferimèncc[Mudifega | mudìfica 'l sorgènt]

  1. Linné, Carl von, Species Plantarum, vol. 2, p.1010, 1753.