Cort d'onor del palazz de Brera
|
Quest articol chì l'è scrivud in lombard, con la Noeuva Ortografia Lombarda |
La Cort d'onor del palazz de Brera a l'è la cort principal del Palazz de Brera, indova che se troeuven l'Academia e la pinacotega omonema.
Nassud in origin 'me cioster per el monester, quand che 'l palazz l'è ciapad del Stat e trad insema per deventà un center coltural a l'è mitud a post del Franzesch Maria Righin, cont un'ispirazzion a la cort del Collegi Borromee del Pellegrin Tebald.
A partì del secol XIX a l'è stad fad pussee scior con vari monument. Quand che se va dent se ved el monument al Luigi Canonica e quell al Ranieri Girotti. In di arcade se ved i monument al Tomas Gross, al Gabrio Piola, al Carlo Ottavio Castiglioni, al Luigi Cagnola, al Bonaventura Cavalieri e al Peder Verr. In del scalon del Righin se troeuven el monument al Ceser Becaria e 'l monument a l'Isep Parin, menter del 1859 a l'è mituda 'na reporduzzion de la statua de l'Antonio Canova "Napoleon Bonapart 'me Mart pacificador".
Intorna, se troeuven vari bust de figure men importante.
Bibliografia[Modifega | modifica 'l sorgent]
- Paolo Mezzanotte, Giacomo Bascapè, Milano nell'arte e nella storia, Milano, Bestetti, 1968, ISBN non esistente.
Alter proget[Modifega | modifica 'l sorgent]
Wikimedia Commons el gh'ha dent imagin o alter archivi su Cort d'onor del palazz de Brera
