Cianacèi

De Wikipedia
Va a: navegá, truvá
Chest artícol a l'è scricc in Lumbàrt Orientàl, ortograféa unificàda Lombard oriental


Cianacèi l’è ü cümü de la Al de Fasa e de la Ladinia che l'se tróa ‘n pruìnsa de Trènt.

Geografèa[Mudifega | mudìfica 'l sorgènt]

Ol paìs l’ se tróa a 1.465 méter söl lièl del mar e l’ se tróa a 109 km de Trènt, quase a la fì de la Al de Fasa, de fati dòpo ‘l bórgh de Cianacèi gh’è dóma Alba e Penia che i è frasiù de Cianacèi prima de rià al Pas Fedaia ai pé de la Marmolada.

Cianacei
La céza

Ol comprensòre di pìste de sci[Mudifega | mudìfica 'l sorgènt]

Cianacèi l’è ü di piö cognusìcc pòscc de ‘ndà a scià del comprensòre del Dolomiti Superski e l’è ach öna di quàter pórte (nsèma a Sèlva, Araba e Corsara) che i mèna al gir del Sèla (Sellaronda) che l’è l’ anèl de piste che ‘l gira ‘ntùren al mut Sèla.

Da Cianacèi de fati s’ciàpa ön ovovìa che la pórta sö al Pecol e de lé al Pas Pordòi e al Pas Sèla e vià ‘ndà. Da i pisté s’pöl turnà zó al paìs co i sci a i pé sö la pista Morticc in de la Al de Antermont.

Sèmper a partì da Cianacèi s’ pöl ‘ndà a scià a i Ciampàcc, basta ciapà ‘l pülman che l’ và da Cianacèi a Alba ‘ndóe gh’è la fünivia di Ciampàcc e chèsto comprensòre de piste l’ mèna ‘nfina a Pósa de Fasa dòpo ès pasàt per la Sèla Brunècc e i Bufaure.

Ol ladino[Mudifega | mudìfica 'l sorgènt]

Cianacèi l’è ü paìs de lèngua e cültüra ladina ‘ndóe gh’è ol bilenguìsm, defati a Cianacèi la Repüblica Italiàna la recognòs còme lèngua de stàt ‘nsèma a l’Italià ach ol Ladì e ‘l nòm üficiàl del paìs l’è Cianacèi in Ladì e Canazèi in Italià (mènter ü tép l'era cugnusìt in Todèsch come Kanzenei).

De èt[Mudifega | mudìfica 'l sorgènt]

La ègia céza dedicàda al San Florian che l’è pò ach ol patròno del paìs; de ‘nterèse l’è töta la césa e ‘l campanìl che i è de la fì del méla e sich (1.500) prensépe del méla e sés (1.600) e l’afrèsch de San Florian söl mür fò de la césa.

La Floriana che l’è öna cà apröf a la césa de San Florian sö la strada de la Al de Antermont; chèsta cà l’è töta cuarciàda de decorasiù, de afrèsch, de gréche e la sömèa quase la cà di fate, la sömèa egnìda fò da öna fàola.

Afrèsch de San Florian sö la céza de Cianacèi.jpg