Camillo Olivetti
El Samuel David Camillo Olivetti, cognossuu 'me Camillo Olivetti [1] (Ivrea, 13 de agost del 1868 - Biella, 4 de dicember del 1943 [2]) l'è staa on ingegner e imprenditor italian, fondator de la Olivetti. [2]
Biografia
[Modifega | modifica 'l sorgent]L'Olivetti el nass a Ivrea in ona famiglia ebrea.[1]
El sò pader el moeur quand el gh'ha on ann, e 'l vegn cresuu da la mader, che la fa cognoss al Camillo la lengua inglesa.
El Camillo el va a scoeura a Milan, al liceo dei Calchi Taeggi, indova el va ben sossenn. [1]
El se laurea in ingegneria elettrotecnega in del 1891 cont el jutt del Galileo Ferraris, cont el vot 90/100. [1]
Despoeu de la laurea el va in di Stat Unii, indova el cognoss el Thomas Edison e l'insegna la sò materia per ses mes. [1]
El torna a Ivrea in del 1894, e aderìss al socialism. Riess anca a conoss el fondador del Partii socialista, el Filippo Turati.
Imprenditoria
[Modifega | modifica 'l sorgent]La sò prima industria l'è stada la C.G.S [2], che la faseva prodott elettrigh. I sò dipendent i eren contadin, che seguiven on cors organizzaa dal Olivetti in de la soa cà. [3]
In quei cors el cognoss el Domenico Burzio, che el divegn on sò fidaa collaborator. [3]
Quand l'azienda la diventa granda la sara su, el voreva minga ona granda azienda e fa i debit cont i banch. [1]
Olivetti
[Modifega | modifica 'l sorgent]
|
Per savenn pussee, varda l'articol Olivetti. |
Ma quand el torna a Ivrea el voeur fa ona macchina minga spantegada in Itàlia ma cognossuda in di Stat Unii, la macchina de scriv. Vist che i part de la macchina i eren brevetaa, lu el crea di noeuv meccanism che droven minga i brevett di american. [1] [3]
In del 1907 el progett l'era complet e l'Olivetti l'era convint de la sò bontà. Va de noeuv in America per vedè i fabrich pussee impurtant e in del 1908 el torna in Itàlia, indova scriv a la so mije ona lettera. [1]
El 29 de otober del 1908 la nass la Ing. C. Olivetti & C.. La se stabilìss in de la vegia fabrica della C.G.S. [1]
El Olivetti el punta fin de subit in su la produzzion in serie, e in del 1911 la nass la prima machina de scriv Olivetti, la M1 [2]
In del 1912 derva la prima sed foeura dal Canaves, a Milan, in de la Piazza de la Scala. [1]
Lung la Prima guera mondial la sò azienda la produss i tocch per i soldaa, ma appena la finìss la guerra scomincen de noeuv a fa el mestèe normal. [2]
In del 1926 i nassen i "Officine Meccaniche Olivetti" che fan i tocch per fa su i machin de scriv [2], e poch agn dòp derva ona sed in Spagna.[2]
In del 1938 el lassa la presidenza al fioeu Adriano, e quand l'Italia la firma l'Armistizzi del 8 de setember 1943, scappa via a Biella, perché i soldaa nazista i eren arent a Ivrea. [2]
El Camillo Olivetti el moeur el 4 de dicember del 1943 a Biella e i operari del Olivetti sfiden i todesch e van al so funeral. [1] [2]
Vita privada
[Modifega | modifica 'l sorgent]El Camillo Olivetti el se sposa cun la sciora Luisa Revel, la tosa del pastor valdes. I gh'hàn ses fioeui: [2]
- Adriano Olivetti
- Dino Olivetti
- Lalla Olivetti
- Massimo Olivetti
- Silvia Olivetti
- Elena Olivetti
Legg raziai e nazismo
[Modifega | modifica 'l sorgent]Quand el governo fascista, dopo de quel nazista todesch, el scriv i legg raziaj, l'Olivetti l'era minga denter per i sò meriti per la Patria, ma el preferìss lascià la presidenza al Adriano. [1]
Quand vien su la Republega Sociala Taleana e i soldati de la Wehrmacht i eren giàmo a Ivrea, diss ai sò operai de:
Catee su i arm, per difende i voster cà, i voster famili, i voster machin
(IT) - Prendere le armi, per difendere le vostre case, le vostre famiglie, le vostre macchine
Per quest el vien ricercàa, ma el se scond a Biella, indova che 'l moeur. [1]
Riferiment
[Modifega | modifica 'l sorgent]- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 (IT) http://www.treccani.it/enciclopedia/camillo-olivetti_%28Dizionario-Biografico%29/
- ↑ 2,00 2,01 2,02 2,03 2,04 2,05 2,06 2,07 2,08 2,09 (IT) http://www.fondazioneadrianolivetti.it/lafondazione_speciali.php?id_speciali=13
- ↑ 3,0 3,1 3,2 (IT) http://www.storiaolivetti.it/percorso.asp?idPercorso=605 Arqiviad qé: [1]