Battaja de Borbanee

Quest articol chì l'è scrivuu in lombard, grafia milanesa.

Quella vos chi la gh'ha mìnga dì font o a hinn tròpp pocch. Per piesè, gionta di font a la vos.
Per avè on'ideja di alter vos senza font, vardee chichinscì.

La Battaja de Borbanee l'è stada combattuda el 22 de april del 1449 in tra la Republica Ambrosiana e 'l Ducaa de Savoja. I milanes eren comandaa del Francesch Sforza (poeu duca de Milan) e del Bartolomee Coleon, i piemontes inveci del Giacom de Challant.

Storia[Modifega | modifica 'l sorgent]

I Savoja voreven slargà el sò domini in tutt el Noares e in del Milanes. El duca Ludovigh el diseva de vess l'erede del ducaa de Milan, perchè l'era cugnaa de Filipp Viscont, mort duu agn prima senza fioeu mas'c. De tutt i maner, la battaja combattuda a sud de Borbanee l'ha vist a vengg i soldaa milanes, e inscì i Savoja gh'hann dovuu demett i sò proposet.

Conseguenz[Modifega | modifica 'l sorgent]

La tregua del 24 de otober del 1449 l'ha fissaa i confin in tra i duu statt in su la Sesia. In de l'istess period, el Sforza l'ha assediaa e ciappaa Milan, e inscì l'ha faa finì la Republica Ambrosiana e l'è vegnuu el duca noeuv. Inscambi, el Coleon l'è tornaa a lavorà per i Venezzian.