Basilega de Santa Tecla
|
Quest articol chì l'è scrivud in lombard, con la Noeuva Ortografia Lombarda |
La Basilega de Santa Tecla (in latin basilica maior) a l'era vuna di basileghe paleocristiane de Milan, che incoeu la gh'è pu: l'era denanz a la Basilica vetus, o ben quell che incoeu a l'è el Dom de Milan. L'è stada fada su intorna al 350, quand che Mediolanum a l'era capital de l'Imperi roman d'ocident.
L'è stada tirada sgiò del 1461, inscì de permeter de fà su el Dom, e i so rest musealizad se troeuven in del mezanin de la stazzion Dom del metrò. Insema a la Basilica vetus e ai batisteri de San Giovann e San Steven, la faseva su un compless del vescov, che l'era comun in di gran cità sed de 'n arcivescov.
Prima, in la soa banda, a gh'era un tempi roman dedicad a la dea Minerva, che l'era stad fad su in su 'n tempi celtegh dedicad a la dea Belisma. La gh'haveva cinch navade e 'n gran absida. A l'è restada 'me parochia, che incoeu l'è dent a quella del Dom, e di robe che gh'era dent de lee, compagn de la tomba de l'Oton e del Giovann Vescont, inn stade metude in la noeuva catedral.
In su part del spazzi lassad voeud a gh'è stad fad su el Covercc di Figin.
Riferiment[Modifega | modifica 'l sorgent]
Alter proget[Modifega | modifica 'l sorgent]
Wikimedia Commons el gh'ha dent imagin o alter archivi su Basilega de Santa Tecla
