Area metrupulitana

De Wikipedia
Va a: navegá, truvá
Lombard Occidental Quel articul chì l'è scrivüü in Lumbard ucidental urtugrafia ünificada.


L'area metrupulitana de Tokio

El cuncet de area metrupulitana, ciamada anca zona metrupulitana, area urbana o aglumeraziun urbana, al se riferiss a una metropul granda e tüt i sò zonn de inflüenza o anca püssee cità vesin, tüt cunt i sò zonn de inflüenza. I zonn de inflüenza poden vess paes de cunfin o cità satelit, e ciapen anca el nom de cunurbaziun.

I arei metrupulitann püssee gross[Mudifega | mudìfica 'l sorgènt]

Questa chì a l'è una lista di arei metrupulitann püssee grant del mund a l'ann 2005. Vist che la gh'è minga una definiziun ünega per quantificà la dimensiun d'un area metrupulitana, ghe poden vess list diferent. 'Sta chì la vegn del Raport de Urbanizaziun Mundial di Naziun Ünì [1] (2003).

Mumbay
  1. Tokio, Giapun, 35,2 miliun
  2. Cità del Messich, Messich, 19,0 miliun
  3. New York, Stat Ünì, 18,4 miliun
  4. São Paulo, Brasil, 18,3 miliun
  5. Mumbay, India, 18,3 miliun
  6. Delhi, India, 15,3 miliun
  7. Calcuta, India, 14,3 miliun
  8. Buenos Aires, Argentina, 13,3 miliun
  9. Jakarta, Indunesia, 13,2 miliun
  10. Shanghai, Cina 12,6 miliun
  11. Dhaka, Bangladesh, 12,6 miliun
  12. Los Angeles, Stat Ünì, 12,1 miliun
  13. Karachi, Pakistan, 11,8 miliun
  14. Rio de Janeiro, Brasil, 11,5 miliun
  15. Osaka, Giapun, 11,3 miliun
  16. El Cairo, Egit, 11,2 miliun
  17. Lagos, Nigeria, 10,9 miliun
  18. Pechin, Cina, 10,8 miliun
  19. Manila, Filipinn, 10,7 miliun
  20. Musca, Rüssia, 10,7
  21. París, Francia, 9,8 miliun
  22. Istanbul, Türchia, 9,6 miliun
  23. Seul, Curea del Süd, 9,5 miliun
  24. Tianjin, Cina, 8,7 miliun
  25. Chicago, Stat Ünì, 8,7 miliun
  26. Lima, Perù, 8,2 miliun
  27. Lundra, Regn Ünì, 7,6 miliun
  28. Bogotà, Culumbia, 7,6 miliun
  29. Teheran, Iran, 7,4 miliun
  30. Hong Kong, Cina, 7,2 miliun

Percentual[Mudifega | mudìfica 'l sorgènt]

In acord a un stüdi di Naziun Ünì la prupurziun di gent che viven in di arei metrupulitan de püssee de 10 miliun de abitant a l'è piscinina rispet cun la pupulaziun mundial: in del 2003 a l'era del 3%. El nümer a l'è però 'dree vegnì semper püssee grant e la stima a l'è del 4% in del 2015.

Nümer di arei metrupulitann[Mudifega | mudìfica 'l sorgènt]

In del 2005 el nümer di arei metrupulitann cun püssee de 5 miliun de abitant a l'era de 46. In del 2015 se pensa che saran 61. Cun püssee de 10 miliun de abitant eren 20 in del 2003, e se pensa saran 22 in del 2015.

Prujeziun[Mudifega | mudìfica 'l sorgènt]

In acord ai tass de cressita de la pupulaziun d'incö, se pensa che la cità püssee pupulada del mund in del 2015 la sarà Tokio; la segunda la sarà Mumbay e la terza Dehli; la quarta Cità del Messich e la quinta São Paulo, che gh'avaran una cressita ben ligada al desvilüp sucial e ecunomich del Messich e del Brasil.

Varda anca[Mudifega | mudìfica 'l sorgènt]