Anemone hepatica

De Wikipedia
Va a: navegá, truvá
Chest artícol a l'è scricc in Lumbàrt Orientàl, ortograféa unificàda Lombard oriental
Anemone hepatica
or.: figadèla
Hepatica nobilis plant.JPG
Classifigazion sientífiga
Regn: Plantae
Division: Magnoliophyta
Clas: Magnoliopsida
Ùrden: Ranunculales
Famìa: Ranunculaceae
Sota-famìa: Ranunculoideae
Stìrpa: Anemoneae
Zèner: Anemone
Spéce: A. hepatica
Nomm binomial
Anemone hepatica
L.

Anemone hepatica (cunusìda 'n bresà col nòm popolàr de figadèla[1]) l'è 'na piànta erbàcea che fa part de la famìa botànica de le Ranunculaceae.

Hepatica nobilis flowers.JPG

Descrisiù[Mudifega | mudìfica 'l sorgènt]

L'è 'na piànta perène de dimensiù pesène, la pöl rià a 20 ghèi de altèsa, e che g'ha 'na raìs furmàda de fìbre düre. Le fòie i è de culùr vért scür conden gambì bèl lónch che böta fò diretamènte de la raìs. La fòia la g'ha tré lòbi srotondàcc e co l'òrlo 'ntréch. I è de consistènsa scorzégna. I fiùr i è celèscc (de rar biànch o ròza), e i tàca a fioréser apéna che se fà vià la néf al prensépe de la primaéra. I g'ha de 6 a 10 sépali petalòidi. I è portàcc ensìma a 'n pedùncol peluzèt e che stà sö drit. El g'ha tré bràtee che le vé a furmà 'na sort de càles. El fröt l'è 'n achénio.

Distribusiù[Mudifega | mudìfica 'l sorgènt]

I è uriginàre dei bósch de le regiù temperàde de l'emisféro nòrt. Chèsta piànta l'è stàda ciamàda per tat tép col nòm scentìfich de Hepatica nobilis,[2] ma i stüde piö modèrni i g'ha stabilìt che 'l zèner Hepatica l'è mìa 'n zèner de per sò cönt ma 'l g'ha de éser cunsideràt part del zèner Anemone.[3] La crès sö terér calcàrei, dré a le préde e 'n zòne frèsche, a l'ombréa, montagnùs e bósch ömecc. La varietà H. nobilis var. nobilis l'è uriginària de l'Europa.


Tasonomìa[Mudifega | mudìfica 'l sorgènt]

La spéce Anemone hepatica, l'è stada discriìda del Linèo e püblicàda endèl sò lìber Species Plantarum 1: 538, endèl an 1753.[4]

Riferimèncc[Mudifega | mudìfica 'l sorgènt]

  1. Giovanni Battista Melchiori - Vocabolario bresciano-italiano (1817)
  2. «Taxonomic Serial No.: 508848». Integrated Taxonomic Information System.
  3. Sara B. Hoot, Anton A. Reznicek, Jeffrey D. Palmer (Jan. - Mar., 1994). «Phylogenetic Relationships in Anemone (Ranunculaceae) Based on Morphology and Chloroplast DNA». Systematic Botany 19 (1): pp. 169-200. doi:10.2307/2419720.
  4. Anemone hepatica en Trópicos
Commons-logo.svg
Wikimedia Commons
al gh'a dent roba culegada a: