Alizée

De Wikipedia
Va a: navegá, truvá
Lumbard ucidental Quest articul chì l'è scrit in brianzöö, urtugrafia ünificada.
Alizée

Alizée Jacotey, cugnusüda dumà cunt el nom Alizée (Ajaccio, 21 agust 1984), l'è üna cantant francesa de müsica pop. La sò canzùn pussee famusa l'è stada Moi... Lolita del 2000, che l'ha vendüü ün frach de disch in tücc el mund.

Cariera[Mudifega | mudìfica 'l sorgènt]

L'inizi e'l primm disch[Mudifega | mudìfica 'l sorgènt]

Alizée l'è stada scuerta da la cantant Mylène Farmer e dal müsicant Laurent Boutonnat, ch'i hin diventàa i sò produtùr.
Il 4 lüj 2000 l'è stada publicada la sò prima canzùn, Moi... Lolita, che l'ha anticipàa la surtida de l'album Gourmandises ("Rob bun de mangià"). La canzùn la gh'ha avüü subit ün frach de success in Europa e in de l'Asia urientàal. In Italia la canzùn e l'album hin vegnüü foeura in del 2002 e i gh'han avüü success anca chì (primm post per la canzùn, che de vintitrì per l'album).
El disch Gourmandises l'ha vendüü in düü ann quater miliùn de copi in tücc el mund. Da 'st'album chì gh'hann tiràa foeura olter canzùn: L'Alizé, Gourmandises e Parler tout bas ("Parlà a bassa vusc'").
Cunt 'stu disch chì Alizée la gh'ha vingiüü ün frach de premi, cumè l'"NRG Music Awards", el "World Music Awards" e l'"M6 Awards".

El segund disch[Mudifega | mudìfica 'l sorgènt]

Anca el sò segund album, Mes Courants Électriques ("I mè curent eletrich"), l'è prodùt da Mylène Farmer e Laurent Boutonnat. L'è stàa publicàa el 18 marz 2003 in Francia e dopu anca in dij olter Paes.
L'album l'è vegnüü foeura insèmm a la canzùn J'en ai marre! ("Mì sun stüfa!"), che l'ha avüü success anca lee in Europa e in de l'Asia urientàal. In Italia la canzùn l'è rivada a la pusiziùn chela de vintitrì e l'album a chela de vintnoeuv.
Da Mes Courants Électriques hin stàa tiràa foeura anca i canzùn J'ai pas vingt ans (Mì gh'ho minga vint ann") e À contre-courant ("Cunter-curent"). Gh'hin anca i versiùn ingles dij canzùn J'en ai marre e J'ai pas vingt ans: i se ciàmen I'm Fed Up! e I'm not Twenty.
Dopu Alizée l'ha tacàa a fà cuncert in gir per la Francia, ch'i gh'hann avüü el "tücc esaurìi".

El terz disch[Mudifega | mudìfica 'l sorgènt]

El 27 setember 2007 l'è vegnüda foeura la canzùn Mademoiselle Juliette ("Signurina Giulièta"), che la gh'ha anticipàa la surtida del terz album de Alizée, ciamàa Psychédélices ("Psiche-delizzi"), publicàa el 3 dicember 2007; 'st'album chì l'è stàa prodùt da Bertrand Burgalat, Daniel Darc, Oxmo Puccino, Jean Fauque e Jérémy Châtelain. In del febrar 2008 l'è stada tirada foeura ün'oltra canzùn, Fifty-Sixty ("Cinquanta-Sesanta").
In Italia 'st'album chì l'e gnanca amò stàa publicàa e'l se sa minga se'l vegnarà foeura.

Olter lavurà sü Alizée[Mudifega | mudìfica 'l sorgènt]

In del 2004 l'è vegnüü foeura'l disch Alizée en Concert, registràa dürant i sò cuncert che la gh'ha fàa in Francia.
In del 2007 l'è stàa publicàa in Messico Tout Alizée, racolta dij sò canzùn pussee famùs.

Vita privada[Mudifega | mudìfica 'l sorgènt]

Alizée la se gh'ha spusada in del 2004 cunt el cantant frances Jérémy Châtelain. I gh'hann üna tusa, Anny-Lee, nasüda el 29 april 2005.

Tücc i laurà de Alizée[Mudifega | mudìfica 'l sorgènt]

Album[Mudifega | mudìfica 'l sorgènt]

  • Gourmandises (2000)
  • Mes Courants Électriques (2003)
  • Alizée en Concert (2004) - registraziun directa
  • Psychédélices (2007)
  • Tout Alizée (2007) - collecziun

CD Singul[Mudifega | mudìfica 'l sorgènt]

Da Gourmandises[Mudifega | mudìfica 'l sorgènt]

  • Moi... Lolita (2000)
  • L'Alizé (2000)
  • Gourmandises (2001)
  • Parler tout bas (2001)

Da Mes Courants Électriques[Mudifega | mudìfica 'l sorgènt]

  • J'en ai marre!/I'm Fed Up! (2003)
  • J'ai pas vingt ans/I'm not Twenty (2003)
  • À contre-courant (2003)

Da Psychédélices[Mudifega | mudìfica 'l sorgènt]

  • Mademoiselle Juliette (2007)
  • Fifty-Sixty (2008)

Culegament[Mudifega | mudìfica 'l sorgènt]