Abecee

De Wikipedia

Lombard Occidental

Quel articul chì l'è scrivüü in Lumbard, cun l'urtugrafia insübrica ünificada.

L'Abecee, ciamaa anca alfabett, a l'è l'insema urdinaa di segn grafich che i se duperen per rapresentà i funemi de 'na lengua.

Ogni segn o grafema el vee ciamaa anca "letera" e ogni letera la duaress indicà un fonema. Però despess se dupera una cumbinazion de leter quanta se pò migna rapresentà diversament tücc i sun cun una ünica letera.

La parola abecee etimulogicament la vee dai primm trii leter de l'abecee latin A - Be - Ce.

Solitament l'abecee a l'è asuciaa a una lengua (per esempi l'abecee grecch) a a un lenguagg (per esempi l'abecee Morse).

La lengua lumbarda la dupera diferent leter, a segunda del'urtugrafia ütilizada. Nurmalment se dupera i 21 leter de l'abecee latin: a b c d e f g h i l m n o p q r s t u v z. Certi urtugrafì i 'mpieghen anca la semivucal j, i vucai ö ô e ü e i grafemi oeu (o œ), s'c e s'g.