AI-5

De Wikipedia
Va a: navegá, truvá
Ludesàn Chel articul chi l'è scrivüd en ludesàn cun urtugrafìa ludesana


El AI-5 (Ato Institucional Nº5 in Portoghés) l’è stài el quìnt d’una sfìlsa de lègg (decrèt) fài dal Guèrn brasigliàn dòpu el 1964. [1]

Storia[Mudifega | mudìfica 'l sorgènt]

L’è stài scrìtt el 13 dicember del 1968 dal minìster Luís Antônio da Gama e Silva, sùta a la presidènsa del maresciàll Artur da Costa e Silva, perché el Parlamèn el s’era upòst a la parsòn per l’unurèul Márcio Moreira Alves che l’eva criticàd asè l’Esèrcit ch’el prutegeva i boia e quei che i turtüreva la gènt.

Da ch’el mumènt lì, tütt quèi che andeva cuntra al Guèrn, i erun incarceràd, o i pudeven no vutà per 10 ann, i eren esiliàd luntàn dal Brasil, o adritüra turtüràd e masàd. [2]

Tanta gènt la s’è upòsta a l’AI-5, cume el partìd ARENA o i cantànt Gilberto Gil e Caetano Veloso, o el còmic Ary Toledo, che l'ha scrìtt c'la sturièla chi: "Quem não tem cão, caça com gato e quem não tem gato, caça com Ato" (Chi g'ha nò el càn, el càcia cul gàtt, e chi g'ha nò el gàtt el càcia - in del sèns de cacià via - cun l'Att) [3].

L’AI-5 l’è stài scancelàd üficialmènt el prìm de genàr del 1979, sùta la presidensa de Ernèst Geisel, cun la lègg n°11 del 13 d’utùber del 1969[4].

Riferiment[Mudifega | mudìfica 'l sorgènt]

  1. (PT): Governo baixa novo ato
  2. http://www.camara.gov.br/internet/jornalcamara/materia.asp?codMat=42437&pesq=
  3. Ary Toledo - O Garimpeiro do humor (12a riga)
  4. https://www.planalto.gov.br/ccivil_03/constituicao/emendas/emc_anterior1988/emc11-78.htm

Ligam de föra[Mudifega | mudìfica 'l sorgènt]