Star Wars

Quell articol qì l'è scrivud in Lombard, cond l'ortografia Scriver Lombard.

Star Wars (leteralment in lombard I guerre dei stelle) l'è un univers de fantasy e de fantascenza cread del George Lucas a la fin dei agn '70. Ol prencepe l'è stait ind el 1977 col film omonem (despò rinominad Episod IV - Una nœva speranza). Insema a L'Imper al contrataca (1980) e a El Retorn del Jedi (1983), al fa part de la insé-ciamada trilojia orijenala.

Despò de sedex agn ol Lucas l'ha decidid de far una nœva trilojia, ciamada prequel, ind la quala l'è spiegad qell qe l'è sucedid prima de i olter film, qe i è deventads i episods IV, V e VI. In particolar i è staite indage i orijen del personaj de Dart Fener, anc'mò s'ciet ind el Episod I - La Minaça fantasma (1999), cressid ind el Episod II - L'Atac dei Clonn (2002, ambientad despò de 10 agn del prim), per po voltar-s a'l mal ind el Episod III - La vendeta dei Sith (2005).

Ind el 2012 la Disney l'ha comprad i dreits de la saga, e l'ha inviad la produzion de una terza trilojia, con El Redesdar-s de la Forza (2015) e I ultem Jedi (2017).

Ind i agn l'univers cinematografeg l'è stait spandid con serie d'animazion e fumets, plu (ind i ultem temp) dei film spin-off.

Star Wars al fa part del jener space opera. L'è ambientad

« A long time ago in a galaxy far, far away... »	« Tant temp indree, ind una galassia lontana lontana... »
(EN)

come qe l'è diit ind el incipit dei film.