Musee civegh de Pavia
|
Quest articol chì l'è scrivud in lombard, con la Noeuva Ortografia Lombarda |
| Musee civegh de Pavia | |
|---|---|
| Sit | |
| Stat |  |
| Località | Castell Viscontee de Pavia |
| Adressa | Viale XI Febbraio, 35 - Pavia, Viale Xi Febbraio 35, 27100 Pavia e viale XI febbraio, 27100 Pavia |
| Coordinade | 45°11′24″N 9°09′29.99″E / 45.19°N 9.15833°E |
| Carateristeghe | |
| Vertuda | 1838 |
| Visitator | 32 701 (2022) |
| Sitt web | |
I Musee civegh de Pavia a inn un'istituzzion che la gh'ha dent i vari musee comunai de la città de Pavia: la sezzion archeologica e de la volta età de Mez cont repert roman, got e lombard antigh, la sezzion romanega e renassimental, la Pinacoteca Malaspina, con la Sala del Modell de legn del Dom la sezzion del '600-'700, el Musee del resorgiment, la Gipsoteca, la Quadreria del Votcent, la Civica Scoeula de Pitura, la Collezzion Moron e la sezzion del Noeuvcent.
I Musee Civigh a inn ospitad dent del Castell Vescontee.
Storia[Modifega | modifica 'l sorgent]
El pader fondator del Musee a l'è el el Marches Luigi Malaspina de Sannazzaro, on inluminista, che a la soa mort l'ha lassad al comun i soeu collezzion d'art. Sti collezzion inn stade portade in del Castell Viscontee del 1951, che l'era stad dad al comun de Pavia del 1933 del Stat, scernid per metegh la gran quantità de materiai trovad in di scav programad e in di distruzzion del compless urban che prima se troeuven dent del Stabiliment di Bei Art Malaspina. Se troeuva dent anca i vegg element del Castell midem.
Collezzion[Modifega | modifica 'l sorgent]
La collezzion archeologega la gh'ha dent di materiai trovaa per cas per terra mentraa se faseva di lavoraa agricoli o edili; al museo hinn rivaa soratutt di collezion privaa (raccolta Giuletti, Reale ecc.). I portici del pian terren del castel ospiten el Lapidarium faa suu de stele, sarcofag, are funerari e votivi, epigrafi, capitei, colonn e miliari de età romana.
Musee Archeologigh e Sala Longobarda[Modifega | modifica 'l sorgent]
La prima sala del musee la gh'è dedicada al territori de Ticinum (che l'era el nom antich de Pavia) in età romana. Tra i repert che se pöden vedè, a gh'è 'na zona sepolcrale, fada su de tombe a cremasion in maton e 'n cippo sepolcrale del I secol d.C., trovat a Cästegiu.
In sala a gh'è anca i repert che riven de la necropoli celtica trovada nel 1957 a Santa Cristina e Bisson. Sti repert, che a hinn del II secol a.C., hinn caratterizzaa da la presenza de oget stilisticament de tradizziòn galica abbinaa a prodòt tipichent romani, come i ceramigh a verniss negher.
Un esempi de questa mescolanza de culture l'è el corredo de la tomba del I secol a.C. trovada in del center de Pavia. La tomba la gh'è sia oget celtigh (come i ceramigh e le fibule) che romani (come i element in laterizio de la cassetta e el balsamario in teracota). Sti repert a hinn la testimonianza de la lenta penetrazzion de la cultura romana nel mond celtich cisalpin.
De grand interess l'è anca 'na ciotola in arzent che se pö vedè in sala. Sull'orlo de la ciotola a gh'è 'na iscrizion formada da 'n nom ligure seguit da 'na indicasion de mesure ponderali romane. La ciotola l'è stada trovada a Zerb in d'un grup de tombe "gallo-romane" a cremasion che daten al II secol a.C.
Alter proget[Modifega | modifica 'l sorgent]
Wikimedia Commons el gh'ha dent imagin o alter archivi su Musee civegh de Pavia
