Sarneghéra

Chest artícol a l'è scricc in Lumbàrt, ortograféa orientàl unificàda.

La Sarneghéra l’è ü temporàl a “supercèla”, cioè de chi fórcc fórcc, che ‘l nas a l’impruìza apröf a Sàrnech e che ‘l se spósta d’öna banda sö per ol lach de Lùer e de l’ótra banda ‘l rìa fò ‘n Franciacorta.

Prìma ‘l se fà sènt ol vènt, pò i rìa i nìole col cél e ‘l lach chi diènta nìgher e pò de bòt ‘l vé zó ü muntù de àqua e i è asé öna quach menücc de Sarneghéra per böta a l’ària i cap e i tècc di cà e per mandà sóta àqua i strade e i paìs in rìa al lach.

I Sarneghére i rià sura de töt tra avrìl e löi, ma chèi piö devastàncc i càpita a setèmber.