Quater Giornade de Milan

Quest articol chì l'è scrivud in lombard, con la Noeuva Ortografia Lombarda

I menad via inn portad in galera

I Quater Giornade de Milan, ciamade anca Moti de Milan o a nivell internazzional Massacher del Bava-Beccaris inn stad una rebellion di sgent de Milan contra di condizzion grame de la vita sota 'l Regn d'Italia che gh'è stade in tra el 6 e 'l 9 de masg del 1898, cont una forta repression del Regio Esercit, guidad del general Fiorenzo Bava-Beccaris.

El contest storegh

L'Italia del 1898 l'era un Stat liberal e i scerne eren fade de ona minoranza di persone, quelle cont una istruzzion un patrimoni assee volt, roba che ghe andava ben anca ai Republegan, vist che la pupart di italian l'era analfabeta.

Sgiamò a l'epoca Milan l'era la capital economegad'Italia e la segonda cità pussee granda del paes, dopo Napoli, e l'era la cità indova che rivaven i inovazzion societari e indova che, despess, el governo el meteva in proeuva i mesure noeuve.

La situazzion economega l'era sgiamò grama prima, ma quand che el prezzi del forment e donca del pan l'è stad colzad da 35 a 60 sghei el popol l'ha domandad democraticament un sostegn, per poeu ribellàss, per la prima voeulta in l'allora curta storia italiana.

I prime rivoeulte gh'è stade in Puja e in Romagna, per poeu slargàss in tuta l'Italia e, oltra che a Milan, anca a Napoli e a Fiorenza gh'è stade di rivoeulte inscì grame de render necessari ciamà el stat d'assedi.

La ribellion

Bersajee contra i Milanes

Fina di prim dì de avril el Bava Beccaris l'ha pensad de doperà i so soldad per l'orden publegh e in d'un frach de cità industriai el gh'haveva di presidi, per via del ris'c de rivolta.

I forze rivade a Milan eren fade su de 2000 infant, 600 cavalier e 300 artilier. El 2 de masg el Ministeri di Interni l'otorizza a doperà la forza militar per l'orden publegh. Grazzia a quell orden li inn stad ciamad a Milan anca 150 alpin del reggment V Alpin.

Riferiment

• 6 maggio 1898: le quattro giornate di Milano
• Le cannonate di Bava Beccaris, 120 anni fa

Alter proget

Altri progetti

• Wikisource
• Wikiquote
• Wikimedia Commons

• Wikisource el gh'ha dent una pagina dedicada a Quater Giornad de Milan
• Wikiquote el gh'ha dent citazzion de o su Quater Giornad de Milan
• Wikimedia Commons el gh'ha dent imagin o alter archivi su Quater Giornad de Milan